Þakgil

RE/MAX fasteignasala kynnir í einkasölu:

Þakgil á Höfðabrekkuafrétti í Mýrdalshreppi.
Um er að ræða fasteignina Þakgil, fasteignanúmer F2256671, sem er á 81 hektara leigulóð með landnúmer L191852 í Mýrdalshreppi. Um er að ræða svæði sem hefur verið byggt upp af myndugleika, er í góðum rekstri og býður upp á ýmsa möguleika. Staðsetning Þakgils er á Höfðabrekkuafrétti. Beygt er til norðurs af þjóðvegi 1 um fimm kílómetra austan Víkur og er öllum bílum fær umferð þangað á opnunartíma. Eignin er því staðsett á einu vinsælasta ferðamannasvæði landsins. Eignin telur 58,8  fermetra aðstöðuhús  byggt 2017 (010101) og níu gistiskála byggða 2007, sem hver um sig er að birtri stærð 13,7 fermetrar (matseiningar 020101-100101). Meðal eigna sem ekki hafa matseininganúmer er aðstöðuhús sem er 21,8 fermetrar og smávirkjun sem áætlað er að hafi framleiðslugetu sem nemur 35 KW, tjaldstæði, bílaplan og aðrir innviðir sem lúta að rekstri svæðisins í heild. 

Nánari lýsing eignarinnar:
Aðstöðuhús (58,8 fermetrar) er einangrað í hólf og gólf. Það hefur m.a. að geyma tvær sturtur, salerni fyrir fatlaða ásamt sturtu, tvö karlasalerni, þvagskálar, tvö kvennasalerni og handlaugar. Allar sturtur og tæki hafa kalt og heitt vatn. Í húsinu er svo tæknirými vegna svæðisins. Utanvert er þurrkhjallur og vaskar og borð til uppvöskunar sem slegið er yfir. Auk aðstöðuhússins eru níu (9) gistiskálar sem eru 13,7 fermetrar hver um sig. Loft og  gólf gistiskálanna eru einangruð og er hver skáli með tvíbreiða koju og er þannig gistipláss fyrir fjóra einstaklinga i hverjum skála. Húsin eru búin eldhúskróki með gashellum, vaski, kæliskáp, lágmarksborðbúnaði og eldunaráhöldum.  

Tjaldstæðið er mjög rúmgott og nýtist bæði fyrir tjöld og húsbíla. Svæðið hefur 10 rafmagnstengla og getur rúmað stóra hópa. 

Virkjun í Þakgili fylgir fasteigninni. Hún hefur áætlaða framleiðslugetu sem nemur 35 kílóvöttum og sér öllum rekstri í Þakgili fyrir rafmagni. Á svæðinu eru fallegar gönguleiðir og tækifærin nær óþrjótandi á þessu svæði sem er rómað fyrir náttúrufegurð. Nánar um Þakgil á www.thakgil.is

Fyrir frekari upplýsingar hafið samband við Jóhann Fannar Guðjónsson í síma 8670015 eða á fannar@remax.is

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi 0,8%, ( 0,4% ef um fyrstu kaup er að ræða ) og 1.6% (ef lögaðilar) af heildar fasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - Nánari upplýsingar á heimasíðum lánastofnana.
4. Umsýslugjald til fasteignasölu kr. 69.900.