Ægisíða 72 - leiga

Betri Stofan fasteignasala og Þórir Skarphéðinsson lögmaður og lgfs, sími 844-9591 - thorir@betristofan.is, kynna nýtt til leigu:

Falleg og rúmgóð 173 fm sérhæð og bílskúr að Ægisíðu 72 í Reykjavík. Um er að ræða stórglæsilega eign við eina virðulegustu og fallegustu götu Reykjavíkur, með óhindruðu útsýni til suðurs. 

Almenn lýsing: 
Íbúðin skiptist í forstofu, gang, tvö svefnherbergi, eldhús, baðherbergi og þrjár samliggjandi stofur. Árið 2012 var hæðin endurnýjuð að innan í samvinnu við Rut Káradóttur innanhússarkitekt.
Þvottahús og geymsla eru í kjallara og eru aðgengileg úr sameign.

Bílskúrinn er 38,7 m² hátt til lofts og vítt til veggja, þar er heitt og kalt vatn.
 
Nánari lýsing á hæð
Forstofa: Komið er inn um sérinngang í flísalagða forstofu. Þaðan er einnig aðkoma niður í kjallara og sameign.
Herbergi: Á vinstri hönd frá anddyri er svefnherbergi.
Gangur: Falleg tvöföld glerhurð skilur að anddyri og gang.
Stofur: Þrjár glæsilegar samliggjandi stofur með aukinni lofthæð, skrautlistum og stórfenglegu útsýni. Stofan er í miðjunni, bókaherbergi til vinstri og borðstofa til hægri. Útgengt er á svalir frá lesstofu.
Hjónaherbergi: Innst á gangi er rúmgott hjónaherbergi með sérsmíðuðum hillum og skápum. Svalir eru út af hjónaherbergi.
Eldhús: Mjög falleg hvítlökkuð sérsmíðuð innrétting með stein á borðplötum. Gólf er flísalagt og í innréttingunni er búrskápur.
Baðherbergi: Flísalagt gólf og veggir, með ljósgráum flísum annars vegar og hvítum „subway“ flísum hinsvegar. Innrétting með skáp fyrir þvottavél og þurrkara, baðkar með sturtu og gluggi.
Gólfefni: Ráðandi gólfefni á hæðinni er ljóst eikarparket.

Umhverfi og staðsetning
Ægisíða í Vesturbæ Reykjavíkur er ein virðulegasta og eftirsóttasta gata borgarinnar, með óhindruðu sjávarútsýni og röð fallegra húsa.
Frábær staðsetning við strandlengjuna þar sem útivistarsvæði og gönguleiðir við sjóinn eru í næsta nágrenni.

Nánari upplýsingar veitir Þórir Skarphéðinsson lögmaður og löggiltur fasteignasali, í síma 8449591, tölvupóstur thorir@betristofan.is.