Skipholt 70

Skeifan fasteignamiðlun s. 568-5556 kynnir : Mjög falleg 2ja herbergja íbúð í sjarmerandi lyftuhúsi við Skipholt 70 í Reykjavík. Íbúðin er á 3. hæð (efstu hæð) merkt nr. 302, íbúðin er 53,3 m2 auk þess fylgja henni 10,8 m2 svalir. 39 bílastæði eru sameiginleg á lóð hússins. Húsið er staðsett í grónu hverfi á frábærum stað. Í næsta nágrenni er margvísleg þjónusta. Stutt er í Laugardalinn, Kringluna og miðbæinn. Einnig eru gönguleiðir, hjólreiðastígar og falleg útivistarsvæði í næsta nágrenni.
 
Nánari lýsing:
Anddyri, stofa, borðstofa og eldhús eru í einu stóru björtu rými. Frá stofu er gengið út á stórar 10,8 m2 svalir. Eldhús er með sérsmíðaðri innréttingu úr birkikrossvið með Blum ljúflokun og ljósum undir yfirskápum. Milli skápa eru mósaíkflísar frá Cinca. Borðplata úr stáli með ísoðnum vaski. Rúmgott svefnherbergi með fataherbergi (geymslu) inn af. Baðherbergi er vel skipulagt og flísalagt með litlum gegnheilum mósaíkflísum frá Cinca. Innréttingar eru sérsmíðaðar eftir teikningum Studio Granda. Salerni er upphengt og með innbyggðum vatnskassa í vegg. Sturtan er rúmgóð og afmörkuð með gleri. Blöndunartæki í sturtu eru innfelld og frá Grohe. Handklæðaofn og einnig er tengi fyrir þvottavél og þurrkara. Sameiginleg stór hjólageymsla er á jarðhæð.
 
Upplýsingar:
Húsið er 3ja hæða lyftuhús með 19 íbúðum og eru verslanir á jarðhæð. Íbúðirnar voru byggðar árið 2016-2017 og voru fyrstu íbúðirnar seldar 2017. 
 
Aukin lofthæð er í íbúðinni – u.þ.b. 3 metrar. Slökkvitæki, reykskynjari og læsanlegur lyfjaskápur.
Svalirnar sem fylgja íbúðinni eru steyptar, flísalagðar og inndregnar. 
Á húsinu eru einnig stórar sameiginlegar svalir sem nýtast sem útisvæði.
Múrviðgerðum og málun á ytra byrði hússins er að ljúka og er greitt að fullu af seljanda.