Þingholtsstræti 12

Falleg og bjarta 3ja herbergja neðri hæð með sérinngangi auk kjallara í fallegu tvíbýlishúsi við Þinholtsstræti í hjarta miðborginnar. 

Eignin er skráð skv. Þjóðskrá Íslands alls 113,7 fm. og þar af er kjallararými 43,6 fm. 

Eignin skiptist þannig að á 1.hæð er stofa, eldhús, baðherbergi, hjónaherbergi, forstofuherbergi og forstofa. Í  kjallara er sérinngangur en rýmið nýtist sem geymsla og er malargólf og klöpp inn í rýminu.  Góður garður til vesturs.

Nánari lýsing eignar
Forstofa rúmgóð og björt með gólfhita og flísum á gólfi.
Baðherbergi hefur verið uppgert með sturtuklefa, glugga, snyrtileg innrétting og flísar á gólfi. 
Eldhús er bjart og er með góðum borðkrók, snyrtileg eldhúsinnrétting, tengi fyrir þvottavél inn í innréttingunni og fallegur hleðslusteinn á vegg. Viðarfjalir á gólfi. Inn af eldhúsi er innangengt í sameign og þaðan í herbergi íbúðarinnar.  
Stofa er björt og rúmgóð með parketi á gólfi. 
Svefnherbergi með innangengt inn í fataherbergi með parketi á gólfi. 
Herbergi rúmgott með dúk á gólfi. Innangengt er í herbergið bæði innan íbúðar eða í gegnum sameign. 
Kjallari með sérinngang á bakhlið hússins, með rafmagni og upphitað. Á gólfi er möl og klöpp. 

Húsið hefur fengið gott við hald í gegnum árin. 

*Kjallarinn er hlaðinn úr grágrýti. Húsið er bindingsverkshús, með burðargrind úr timbri og múrsteinshleðslu á milli      bjálkanna. Það var hannað og byggt af Helga Helgasyni forsmið og ber skýr höfundareinkenni hans.
*Raflagnir í góðu ásigkomulagi. Um 2006  var sett upp ný greinitafla og lagnir endurnýjaðar. 
*Þakjárn í góðu standi, skipt um járn á vesturhelmingnum 2007 og annað járn yfirfarið, skipt um allar þakrennur og   niðurföll.
*Settar upp nýjar vindskeiðar í upprunalegri mynd 2008.
*Viðbygging (anddyri með svölum yfir fyrir íbúð efri hæðar) var reist 2010, arkitekt Jon Nordsteien. Húsið hlaut     viðurkenningu Reykjavíkurborgar árið 2012 fyrir vel heppnaðar endurbætur.
*Ofnalagnir í góðu lagi. Ný lagnagrind sett upp í kjallara árið 2020. 
*Gólfhitakerfi og ný flísalögn á anddyri og baði 2024. 

Frábær staðsetning í hjarta miðbæjarins þar sem stutt er í alla helstu þjónustu.

Allar nánari upplýsingar veitir Guðbjörg G. Sveinbjörnsdóttir löggiltur fasteignasali í síma 8995949 eða á netfanginu gudbjorg@trausti.is