Laxatunga 140

STOFN FASTEIGNASALA KYNNIR:

Í einkasölu, bjart og vel skipulagt 4ra herbergja 126.5 fm raðhús á einni hæð, með innbyggðum bílskúr við Laxatungu 140, 270 Mosfellsbær. Heildarstærð eignarinnar er 126,5 m², þar af íbúð 102,2 m² og bílskúr 24,3 m². Eignin skiptist í forstofu, eldhús, stofu og borðstofu, þrjú svefnherbergi, fataherbergi innaf hjónaherbergi, baðherbergi og bílskúr. Geymsluloft er yfir baðherbergi og mikil lofthæð gefur rýminu fallegt yfirbragð. Húsið er steinsteypt einingahús, einangrað að utan með svargrárri steinsalla veðurkápu. Um er að ræða eign á vinsælum stað þar sem stutt er í leikskóla, útivistarsvæði og fallegar gönguleiðir. Skóli, verslun og helsta þjónusta eru einnig í stuttri akstursfjarlægð. Eignin Laxatunga 140, 270 Mosfellsbær, ásamt öllu sem henni fylgir og fylgja ber að engu undanskildu, þ.m.t. tilheyrandi lóðar- og sameignarréttindi. Fastanúmer eignar: 231-5350.
Ásett verð: 106.700.000 kr.

*Smelltu hér til að sækja söluyfirlit*

Sölupunktar eignar:
• Hátt til lofts í flestum rýmum sem gerir eignina einstaklega bjarta og opna.
• Barnvæn með rólum og rennibraut fyrir utan.
• Skjólgóð verönd og bakgarður með mikla möguleika.
• Eign á vinsælum stað sem vert er að skoða.

Eignin skiptist í:
Forstofu, eldhús, stofu/borðstofu, þrjú svefnherbergi, fataherbergi innaf hjónaherbergi, baðherbergi og bílskúr. Geymsluloft er yfir baðherbergi. Mikil lofthæð er í húsinu. 

Nánari lýsing:
Forstofa: Flísalögð og með rúmgóðum fataskáp.
Stofa / borðstofa: Með flísum á gólfi og úr stofunni er útgengt út á verönd sem snýr í suðvestur.
Eldhús: Flísalagt og með fallegri innréttingu. Þar er gashelluborð, ofn, vifta og vaskur, auk þess sem gert er ráð fyrir uppþvottavél. Frá eldhúsinu er gengið út á hellulagða verönd og bakgarð.
Hjónaherbergi: Rúmgott með harðparketi á gólfi og þar innaf er fataherbergi.
Barnaherbergi I: Rúmgott og með harðparketi á gófi.
Barnaherbergi II: Einnig rúmgott og með harðparketi á gólfi.
Baðherbergi: Rúmgott, flísalagt bæði á veggjum og gólfi og með snyrtilegri innréttingu sem er með góðu skápaplássi. Þar er baðkar með sturtuaðstöðu, handklæðaofn, handlaug og vegghengt salerni. Einnig er geymsluloft yfir rýminu.
Bílskúrinn: Er skráður 24,3 fm og hefur verið útbúinn með góðu geymslulofti. Þar eru tengi fyrir bæði þvottavél og þurrkara.
Verönd: Rúmgóð og skjólgóð verönd með mikla möguleika, hellulögð að hluta.

Staðsetning:
Um er að ræða eign á vinsælum stað þar sem stutt er í leikskóla, útivistarsvæði og fallegar gönguleiðir. Skóli, verslun og helsta þjónusta eru einnig í stuttri akstursfjarlægð.

Nánari upplýsingar veita:
Hallveig Jónsdóttir, Nemi í löggildingu, í síma 699-0496, netfang hallveig@stofnfasteignasala.is
Benedikt Ólafsson, Löggiltur fasteignasali, í síma 661-7788, netfang bo@stofnfasteignasala.is

Við hjá STOFN Fasteignasölu setjum þig í fyrsta sætið – með heilindum, metnaði og persónulegri þjónustu.
Það er okkur sannur heiður að fá að vera fasteignasalinn þinn.
STOFN Fasteignasala – setjum þig í fyrsta sætið.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. STOFN Fasteignasala ehf. bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Almennt um fylgifé íbúðarhúsnæðis:
Til fylgifjár íbúðarhúsnæðis teljast varanlegar innréttingar og búnaður sem annaðhvort er skeytt varanlega við fasteignina eða er sérstaklega sniðinn að henni. Þetta á meðal annars við um fastan búnað og lagnir til hitunnar og vatnsmiðlunar, rafmagnsvirki og leiðslur, loftnet og annan móttökubúnað í eigu seljanda, sem fest eru á fasteign, föst gólfteppi og önnur gólfefni sérstaklega tilsniðin, gluggabúnað, bað- og eldhúsinnréttingar og tæki og vélar sem eru sérstaklega felld inn í innréttingarnar og verða hluti af þeim og aðra innbyggða hluta.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:
Nýtt - Eignin er nýbygging.
Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
Upprunalegt - Seljandi veit ekki til þess að byggingarhluti hafi verið endurnýjaður. 
Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.