Sólheimar 25

Miklaborg kynnir: Fallega og bjarta 3ja/4ra herbergja íbúð á 10.hæð í lyftuhúsi á fínum stað í Laugardalnum. Íbúðin hefur glugga í þrjár áttir og státar af einstöku útsýni. Samkvæmt skráningu er birt flatarmál eignarinnar 103,5 fm og skiptist hún í forstofu, tvö stór svefnherbergi, eldhús, borðstofu, stofu og baðherbergi.

Bókaðu skoðun hjá Gabriel Mána Hallssyni löggiltum fasteignasala í síma 7722661 eða gabriel@miklaborg.is

Nánari lýsing:

Gengið er inn í forstofu sem hefur stóra fataskápa til lofts, á þeim gangi eru baðherbergi og hjónaherbergi. Á baðherbergi er snyrtileg hvít innrétting með skápum, baðkar með sturtu, flísar á gólfum og veggjum, gluggi með opnanlegu fagi. Hjónaherbergi er rúmgott með stórum dökkviðarlitiðum fataskáp sem ná yfir heilan vegg, útgengt á útsýnis svalir sem snúa til suðurs. Á móti hjónaherbergi eru borðstofa og eldhús, í sama hluta íbúðar eru tvö minni svefnhergi sem hafa þó verið sameinuð í eitt stærra herbergi. Í eldhúsi er stór borðkrókur með dökkviðarlituðum efri og neðri skápum, ljósar flísar á milli þeirra, gott vinnupláss á borðum, gluggi með opnanlegu fagi og fallegu útsýni til norðurs. Stofan er í horni íbúðarinnar, einstaklega björt með gólfsíðum gluggum til suðurs, einnig gluggum til vestur, útgengt á suður svalir.

Eigninni fylgir sérgeymsla í sameign. Sameiginlegt þvottahús og þaksvalir eru á 12.hæð hússins.

Góður fjöldi bílastæða á lóð hússins og rafhleðslustöðvar hafa verið settar upp.

Frábær staðsetning í grónu og fjölskylduvænu hverfi miðsvæðis við Laugardalinn. Stutt er í alla verslun og þjónustu, m.a. Glæsibæ, Skeifuna, leikskóla, grunnskóla, menntaskóla, sundlaug, heilsurækt, heilsugæslu og bókasafn. Laugardalurinn er í göngufjarlægð með allri þeirri útivist sem hann hefur upp á að bjóða.

Nánari upplýsingar veitir Gabriel Máni Hallsson löggiltur fasteignasali í síma 772-2661 eða gabriel@miklaborg.is