Kjarrás 19

FASTMOS kynnir:  Mjög glæsilegt og vandað heilsárshús/sumarhús á fallegum stað við Glammastaðavatn (Þórisstaðavatn) í ca. 50 mín keyrslu frá höfuðborgarsvæðinu. Símahlið inn á svæðið. Eignin stendur á rúmlega hektara eignarlóð. Vegur er niður að húsinu og bílastæði. Hleðslustöð fyrir rafmagnsbíla fylgir eigninni.
Húsið er skráð 114,8 m2 og er byggt úr forsteyptum einingum frá Loftorku og er steinað -  norskt granít. Byggingarár er 2014. Að auki er kjallari undir húsinu ca 37 m2 sem ekki er skráður í fermetratölu eignarinnar. Auka hús er timburhús ca. 30 m2 sem er nýtt sem gestahús. Einnig væri hægt að byggja meira á lóðinni þar sem nýtingarhlutfall lóðarinn er ekki nýtt að fullu.
Glæsileg hönnun er á húsinu og mikil lofthæð 4,70 þar sem hún er hæst og eru hljóðdempandi plötur í loftum til að veita betri hljóðvist. Allar innréttingar eru sérsmíðaðar frá Við og við. Vandaðar gólfflísar frá Vídd. Gólfhiti er í gólfum.
Mjög stór sólpallur er við húsið með heitum potti (rafmagns pottur), aðgengi að vatni fyrir báta, vatnasport og veiði. Búið er að gróðursetja mikið af trjám á lóðinni og er þar einnig mikið af krækiberjum og bláberjum.

Nánari lýsing:
Forstofa er með fataskáp og flísum á gólfi.
Gangur er með flísum á gólfi.
Eldhús, stofa og borðstofa eru í stóru opnu rými með flísum á gólfi. Mikil lofthæð og innbyggð lýsing. Stór útbyggður gluggi með glæsilegu útsýni. Í eldhúsi er falleg sérsmíðuð innrétting með eyju. Kvarts steinn frá Rein er á borðum. Í innréttingu er spanhelluborð, tveir ofnar og innbyggð uppþvottavél frá Mile. Innbyggður kæliskápur og annar innbyggður kæliskápur með fyrsti og klakavél frá LIEBHERR.
Sólstofa er með stórum gólfsíðum gluggum og mikilli lofthæð. Glæsilegur arinn. Úr sólstofu er gengið út á timburverönd.
Svefnherbergi nr. 1 (hjónaherbergi) er mjög rúmgott (tvö herbergi á teikningu) með flísum á gólfi. Stórir fataskápar. Úr hjónaherbergi er gengið út á timburverönd.
Svefnherbergi nr. 2 er með fataskáp og flísum á gólfi.
Baðherbergi er flísalagt í hólf og gólf, með innréttingu, vegghengdu salerni og sturtu með innbyggðum blöndunartækjum. Úr baðherbergi er gengið út á timburverönd.
Þvottahús er með flísum á gólfi. Stór innrétting með miklu skápaplássi. Gluggi er í þvottahúsi.
Kjallari er nýttur sem geymsla ca. 37 m2 með hillum og gólfhita. Lofthæð ca 2,55 m.
 
Auka hús:
Eldhús er með innréttingu og borðkrók, dúkur á gólfi. 
Stofa er með dúk á gólfi.
Baðherbergi er með lítilli innréttingu, vegghengdu salerni og sturtu með gashitara. Dúkur á gólfi.
Herbergi er með dúk á gólfi.

Félag Landeigenda í Glammastaðalandi (FLG) heldur utan um sameiginlega hagsmuni lóðaeigenda á svæðinu.

Verð kr. 149.500.000 -  Nánari upplýsingar veitir Svanþór Einarsson, löggiltur fasteignasali í síma 698-8555 eða svanthor@fastmos.is