Orkureiturinn A 609

Jason Kristinn s. 7751515 á Betri Stofunni og Safír byggingar ehf kynna með stolti Orkureitinn. A-hús. Dalsmúli 3 - Íbúð á 6. hæð. Glæsileg 112,7 fm 3 herbergja endaíbúð. Stofa með útgengi út á stórar þaksvalir með heitum potti. Svíta með sérbaðherbergi og sömuleiðis útgengi út á 42,1 fm þaksvalir sem snúa í suður og vestur. Baðherbergi með sturtu. Sérþvottahús. Auka svefnherbergi. Sérgeymsla 7,5 fm í kjallara. Íbúðin er tilbúin til afhendingar og afhendist fullbúin með viðarparketi. 

Heimasíða Orkureitsins

Nánari lýsing: 
Komið inní anddyri með fataskápum.
Eldhúsið er með stein á borðplötum. Glæsileg innrétting frá GKS. Vönduð eldhústæki.
Alrými tengir saman eldhús og stofu og er með útgengi út á rúmgóðar þaksvalir sem snúa til suðurs.
Hjónasvíta með fataskápum og sér baðherbergi. Tæplega 20 fm.
Herbergi II er með fataskáp. 9,4 fm.
Baðherbergi með sturtu. 
Gólfsíðir gluggar og gólfhit ásamt loftskiptakerfi gefa aukin gæði. 
Sérgeymsla er 7,5 fm.
Sameiginleg hjóla og vagnageymsla.

Nánar um Orkureitinn:  Bjartar og vel hannaðar íbúðir
Á Orkureitnum verða byggðar 436 glæsilegar íbúðir þar sem lögð er alúð við að byggja upp framtíðarheimili þar sem vellíðan íbúa er höfð að leiðarljósi. Við hönnun íbúða er lögð megináhersla á vönduð byggingarefni, hagnýtt skipulag, góða birtu og útsýni. Hver íbúð hefur eigin búnað til loftskipta sem hámarkar loftgæði. Stórt bílastæðahús er tengt byggingum neðanjarðar en auk þess eru verslunar- og þjónusturými á jarðhæð með fjölbreyttri þjónustu við íbúa eins og veitingahús og kaffihús. 

Hver íbúð er útbúin loftræstikerfi með varmaendurvinnslu. Kerfið endurvinnur varma upp að 85%, nýtir varma úr útsogslofti og hitar ferskt loft sem dælt er inn. Allt loft sem fer í gegnum kerfið er síað og er því minna af svifryki og frjókornum í íbúðunum en ella. Hægt er að stýra kerfinu á bæði einfaldan máta á vegg eða með appi í snjallsíma.

Hönnun: Rut Kára innanhússarkitekt stýrir fágaðri hönnun innréttinga íbúða ásamt því að leggja línuna fyrir öll sameiginleg rými svo úr verður heildarmynd byggingar sem er engu lík. Rut Kára hefur lag á því að skapa heim sem við viljum búa í.

Framtíðarheimili á Orkureitnum
Orkureiturinn er skipulagður og hannaður með sjálfbærni og vistvæn sjónarmið að leiðarljósi. Sérstök áhersla er lögð á endurnýtingu orku og blágrænar ofanvatnslausnir. Á byggingartíma er lögð áhersla á endurvinnslu byggingarefnis, jarðvegs og gróðurs á svæðinu. Skipulag reitsins er það fyrsta í Reykjavík sem vottað er af BREEAM Communities vistvottunarkerfinu og hefur það fengið næsthæstu einkunn, sem er „Excellent“. Jafnframt er stefnt að því að allar íbúðir á reitnum verði Svansvottaðar.

Allt hverfið í kringum Orkureitinn er í mikilli uppbyggingu. Staðsetningin er í miðju verslunar- og þjónustukjarna í Skeifunni, Glæsibæ og Múlunum, svæði sem er miðsvæðis í þróunarás Reykjavíkurborgar við væntanlega Borgarlínu.

Nánari upplýsingar veita sérfræðingar: 
Jason Kristinn Ólafsson löggiltur fasteignasali í síma 775-1515 - tölvupóstur: jason@betristofan.is
Guðbjörg Guðmundsdóttir , í síma 899-5533, tölvupóstur gudbjorg@betristofan.is.