Þjóðólfshagi 31

Afar fallegt og vel hannað einbýlishús 146,2 fm að stærð í landi Þjóðólfshaga ásamt 6-7 hektara beitarhólf suður af lóðum að þjóðvegi.

• Náttúruperla og frábær staður fyrir hestafólk jafnt sem aðra.
• 6-7 hektara beitarhólf ásamt aðgengi að volgu vatni allan ársins hring.
• Stór og mikill pallur er umhverfis húsið með heitum potti
• Hefðbundið íbúðarhúsnæði sem hægt er að fá íbúðarlán á. 

Birt stærð samkvæmt HMS: 146,2m2

Leiðbeiningar um staðsetningu

Nánari lýsing:
Eigninni er skipt í forstofu, stofu, eldhús, borðstofu og baðherbergi, þrjú svefnherbergi og bílskúr ásamt geymslu í bílskúr á neðri hæðinni.
Aðkoman að eigninni er greið og staðsetningin þægileg, skammt frá Suðurlandsvegi og inn af lokaðri heimreið. Lóðin sem fylgir húsinu er vel gróin og veitir mikið skjól. Húsið var upphaflega reist árið 1996 en síðar var byggt við það árið 2008. Viðbyggingin er bárujárnsklædd og stendur á steinsteyptum kjallara með bílskúr og geymslu. Heildarhönnun hússins er snyrtileg og vel úthugsuð að utan sem innan, með fallegum smáatriðum á vel völdum stöðum


Anddyri: Rúmgott með litlum búrskáp, fatahengi og harðparket á gólfi.
Stofa: Björt og rúmgóð stofa með harðparketi og útgengi út á stóran viðarpall.
Borðstofa: Björt borðstofa hliðar við eldhús með stórum gluggum með fallegu útsýni í garðinn.
Eldhús: Falleg steingrá innrétting með góðu vinnuplássi.
Svefnherbergi: Svefnherbergin eru þrjú talsins og eru öll björt og rúmgóð. 
Hjónaherbergi er með háa lofthæð og þaðan er útgengt út á pall þar sem potturinn er staðsettur.
Baðherbergi: Stór sturta, pláss fyrir þvottavél og rúmgóð innrétting undir handlaug ásamt fallegri hönnun fyrir ofan klósett. Það er lítil sprunga undir sturtubotni inni á baðherbergi sem þarf minniháttar lagfæringu.
Kjallari: Gott rými í tveimur hlutum sem nýtist sem bílskúr og geymsla eða má aðlaga að óskum nýrra eigenda. Aðgangur bæði í gegnum bílskúrshurð og sér inngang. Einnig eru tvær útigeymslur, lítill skúr fyrir framan húsið og hnakkageymsla. 
Upphitun: Nýrri hluti hússins er með gólfhita, eldri hluti er hitaður með hefðbundnum ofnum.
Pallur: Stór trépallur liggur við húsið og þar er rafmagns heita pottur sem skapar góða aðstöðu til útiveru og afslöppunar. Garðurinn er skjólgóður og vel hirtur með fallegum hávöxnum gróðri og viðarpalli sem býður upp á notalegt útisvæði. 
Lóð og deiliskipulag: Á lóðinni er áhaldageymsla (hnakkageymsla) og tveggja hesta hesthús (6 feta gámur). Á lóðinni er heimilt að byggja íbúðarhús, bílskúr, útihús/skemmu og/eða gróðurhús. Íbúðahús skulu uppfylla kröfur byggingayfirvalda um gerð íbúðarhúsa. Beitarhólf sem kunna að fylgja lóðum eru utan skipulagssvæðis. Hús skulu vera á einni hæð og getur mænishæð íbúðarhúsa verið allt að 6,0 m eins og tekið var fram í gildandi deiliskipulagi Þjóðólfshaga, en einnig er leyft að útbúa svefnloft. Á lóðinni er heimild fyrir allt að 443,8 m² og búið að byggja 146,2 m².
Beitarhólf: beitarhólfið er vel afgirt og hólfað niður. Þar er stórt vatnsker þar sem sírennur volgt vatn allan ársins hring svo að hestar hafi ávallt aðgang að vatni. Aðgengt er inn í beitarhólfið frá hnakkageymslunni og hesthúsinu ásamt fleiri stöðum. Hitaveita er á svæðinu. 

Rekstur gistiheimilis: Rekið hefur verið gisitgeimili í húsinu á bæði Airbnb og Booking. Öll aðföng eru til, tilskilin leyfi og einnig félag um reksturinn. Ef það er áhugi fyrir slíkrum rekstri er hægt að semja um að kaupa innbúið með, félagið utan um reksturinn og öll aðföngin til að reka gistiheimili áfram, sé þess óskað. 

Nánari upplýsingar veita:
Páll Pálsson Lgf. í síma 775-4000 eða palli@palssonfasteignasala.is
Andrea Ósk Harradóttir - aðstoðarmaður fasteignasala í síma 785-6698 eða andrea@palssonfasteignasala.is

www.eignavakt.is
www.verdmat.is 
Góð ráð fyrir kaupendur / seljendur

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 3,800 af hverju skjali.
3. Lántökugjald lánastofnunar - samanber gjaldskrá viðkomandi lánastofnunar.
4. Umsýsluþóknun til fasteignasölu, sbr.kauptilboð.

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Pálsson fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.