Gamli barnaskólinn Dalvík

EIGNAVER 460-6060

Til sölu húsnæði gamla grunnskólans í Dalvíkurbyggð að Skíðabraut 12 með fastanúmer 215-5188, ásamt öllu því sem eigninni fylgir og fylgja ber þar með talið tilheyrandi lóðarréttindum.
Birt stærð eignarinnar í fm2 er ekki skráð í opinbera skrá HMS en eldra húsið er með skráða að brutto 1071 m3 en nýrra húsið er að brutto 2244m3. 
Lóðin er skráð með 3937,6 fm2.

Lýsing eignar:
Eldri hluti hússins, var reistur 1933-1934. Sá hluti er staðsteyptur með sandspörsluðu yfirborði veggja og risþaki klæddu bárujárni. Sýnilegar sprungur eru í múr og steypu á öllum hliðum hússins og eru útveggir ekki vatnsþéttir í núverandi ástandi. Nauðsynlegt er að rakaverja húsið með utanhúsklæðningarkerfi og varmaeinangra útveggi innan klæðningarkerfisins. 
Talsverð viðhaldsþörf er komin á glugga. Talsverð og brýn viðhaldsþörf er einnig komin á þak gamla skólans, bæði bárujárn og timburvirki. Engin rakavörn er í þaki og sjá má ummerki um talsverðan leka á lofti og veggjum innandyra.
Viðbygging var reist 1955 og er með steyptum útveggjum, einangrun á innra byrði, steyptu milligólfi og uppstóluðu þaki á steyptri loftaplötu. Þakið er klætt bárujárni.
Útveggir eru steyptir og einangraðir að innan með steinull í timburgrind. Pappi er klæddur á timburgrind og múrað á net.
Sýnilegar sprungur utanhúss eru í múr og steypu á öllum hliðum hússins. Gluggar eru almennt í frekar lélegu ásigkomulagi. 
Þak er kalt uppstólað á steypta loftaplötu. Talsverð viðhaldsþörf er komin á þakið og er mælt með því að það verði að fullu endurnýjað m.a. vegna myglu. 
Almennt virðast útveggir innan húss viðbyggingar í ágætu ásigkomulagi en kanna þarf ástand þeirra betur.
Gólf eru teppalögð á stiga og göngum, dúkur á kennslustofum. Almennt eru gólfefni í lélegu ásigkomulagi.
Í kjallara hússins (tæknirými) er talsverður raki og viða að sjá mikil ummerki eftir raka.

Ástandsskoðun, efnissýnagreining auk rakamælingar sýna að veruleg viðhaldsþörf er komin á allt mannvirkið. Gangast þarf í gagngerar endurbætur á þökum, gluggum og gólfefnum en einnig er brýnt að hlúa betur að rakaöryggi mannvirkisins með nýrri utanhúsklæðningu.
Ástand fráveitu-, neysluvatns-, hita- og raflagna er ekki vitað en gera má ráð fyrir að öll þessi kerfi þarfnist endurnýjunar. Engin vélræn loftræsing er í mannvirkinu en mikilvægt er að huga að uppsetningu slíkra kerfa við endurnýjun eldra húsnæðis.

Fyrir liggur ástandsúttekt EFLU verkfræðistofu dags. 20.05.2022, og er brýnt fyrir tilvonandi kaupendum að kynna sér efni hennar til hlýtar. Engar endurbætur hafa átt sér stað síðan úttektin fór fram.
Gamli skóli við Skíðabraut er í sameiginlegri eigu ríkis (72%) og sveitarfélagsins (28%). Eignin er talin hafa varðveislugildi fyrir svæðið. Af þeim sökum er mikilvægt að ráðist verði í endurgerð eignarinnar sem næst upprunalegri mynd sé þess kostur út frá notagildi hennar. Gerð er krafa um að bjóðendur hafi fjárhagslegt bolmagn til að ljúka nauðsynlegum framkvæmdum og endurbótum á eigninni þannig að hægt sé að koma eigninni í varanleg not eins fljótt og auðið er.
Með tilboði í eignina þarf að fylgja greinargerð þar sem fram kemur: -     Áætlun um endurbyggingu. -     Áætlaður verktími, sundurliðað eftir verkþáttum. -     Áform og framtíðarnotkun hússins.
Seljandi þekkir ekki eignina umfram það sem fram kemur í opinberum gögnum. Því leggur seljandi ríka áherslu á að sérstakrar árvekni sé gætt við skoðun og úttekt á eigninni og veitir eigandi allan nauðsynlegan aðgang til þess.
Eignin selst í því ástandi sem hún er við skoðun.

Eignin er í einkasölu á fasteignasölunni Eignaveri.


Nánari upplýsingar veita;
Arnar     arnar@eignaver.is     s: 898-7011
Tryggvi   tryggvi@eignaver.is  s: 862-7919
Begga   begga@eignaver.is    s: 845-0671