Grandavegur 4

Sigrún Gréta hjá RE/MAX kynnir 5 herb. endaíbúð á 2. hæð í litlu fjölbýli að Grandavegi 4 í Vesturbæ Reykjavíkur. Einstaklega björt íbúð með gluggum á þrjá vegu. Stór herbergi og suðvestur svalir. Aðeins 9 íbúðir eru í húsinu. Afar stutt er í leikskóla, grunnskóla, íþróttasvæði KR, sundlaug, matvöruverslanir, veitingastaði o.fl. Einnig er göngufæri út að sjávarsíðunni, þar sem er útsýni yfir á Akrafjall og Esjuna.
Allar frekari upplýsingar um eignina veitir Sigrún Gréta í síma 864-0061 / sigrun@remax.is 

Eignin skiptist í forstofu, hol, stofu, eldhús, baðherbergi, fjögur svefnherbergi og geymslu. Eignin er skráð hjá Þjóðskrá Íslands 122,8 m2. 

Söluyfirlit má nálgast hér
Nánari lýsing:
Forstofa er inn af snyrtilegri sameign. Nýleg eldvarnarhurð inn í íbúð. Innan forstofu er komið inn á forstofuhol með fatahengi. Vítt til veggja og því pláss fyrir hirslu til að geyma fatnað og skó. Parket flæðir án þröskulda um öll rými eignarinnar, fyrir utan baðherbergi.
Stofa og eldhús eru í opnu rými. Einstaklega björt stofa, með stórum gluggum og útgengi út á sv-svalir. 
Eldhús er með hvítri innréttingu á tveimur veggjum. Eldhús var endurnýjað árið 2017. Á öðrum veggnum ná skápar upp undir loft. Innrétting með ljúfslokunum. Innfelldur ísskápur með frysti, sem og uppþvottavél fylgja. Háfur yfir keramik helluborði. Hvít borðplata með niðurfelldum vaski. Hvítir ljóskastarar í lofti. Gott pláss fyrir borðstofuborð og stóla.
Svalir eru rúmgóðar og skjólgóðar og búa yfir útsýni eftir Grandaveginum til austurs og í áttina út að sjó til vesturs. 
Herbergi I er rúmgott hjónaherbergi með hvítum háglans fataskáp. Gluggar snúa út í garð til suðausturs.
Herbergi II er einnig suðaustan megin í íbúðinni og er næst stofu. Léttur hvítur fataskápur ofan á parketi.
Herbergi III er hægra megin þegar komið er inn í íbúð. Gluggar til norðvesturs. Rúmgott herbergi með innfelldum hvítum háglans fataskáp.
Herbergi IV var áður eldhús og er nú rúmgott herbergi sem snýr út í port til norðvesturs. Engir fataskápar.
Baðherbergi var endurnýjað árið 2017. Hvítar veggflísar og gráar á gólfi. Hvít skúffueining undir handlaug. Handlaug stendur ofan á hvítri borðplötu. Hvítur veggfestur skápur ofan við upphengt salerni. Baðkar með sturtuhengi. Tveir gluggar og annar með opnanlegu fagi.
Geymsla er sér í sameign í kjallara. Stærð 9,1 m2.
Þvottahús er í sameign í kjallara. Snyrtilegt og vel um gengið.
Hjóla- og vagnageymsla er í sameign í kjallara. Útgengi er út í garð á sv-gafli hússins.
Bílastæði er í austurenda lóðar, sér bílaplan fyrir húsið sem rúmar 12 bíla. Eingöngu sjö íbúðir í húsinu deila þessum bílastæðum. Einnig er hægt að leggja bílum við götu.
Hitaveitukynding í húsinu með geislahitunarkerfi.
Framkvæmdir: Stóri glugginn í stigagangi var endurnýjaður 2024, gluggar á SA hlið 2018, á SV hlið 2016 (ásamt svalahurðum) og NA hlið 2010 . Húsið var múrviðgert og málað árið 2017 (að undanskildum NA gafli sem var viðgerður 2013). Þak var einnig yfirfarið. Gólf í sameign máluð 2015. Skólplagnir undir húsi og út í götu voru fóðraðar árið 2014 og brunnur endurnýjaður. Rafmagnstafla í sameign endurnýjuð 2011 og dregið nýtt rafmagn í þvottahús.  
Íbúðin er skráð í eignaskiptayfirlýsingu 4ra herb.

Allar frekari upplýsingar um eignina veitir Sigrún Gréta í síma 864-0061 / sigrun@remax.is 

-Vegna mikillar eftirspurnar vantar allar tegundir eigna á skrá.
-Hafðu samband og við verðmetum eignina þína þér að kostnaðarlausu.
-Sigrún Gréta löggiltur fasteignasali í síma 864 0061 eða sigrun@remax.is

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% (0,4% fyrir fyrstu kaupendur) og 1,6% fyrir lögaðila. Reiknast af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - 2.700 kr. af hverju skjali.
3. Lántökugjald eftir gjaldskrá lánastofnunar. Nánari upplýsingar á heimasíðum lánastofnana.
4. Umsýslugjald til fasteignasölu kr. 69.900.-