Stigahlíð 42

Einstaklega falleg, mikið endurnýjuð, björt og vel skipulögð 7 herbergja 209,9 fm. efri sérhæð í þríbýli, að meðtöldum 20,1 fm. bílskúr á þessum einstaka stað.  Sér stigahús og stigapallur, 5 herbergi stofa, borðstofa, hol, eldhús og tvö baðherbergi.  Stórar suðursvalir með svalalokun, þvottahús og góðar geymslur.  Bílastæði á lóð og góður garður.  Skipting eignarinnar er sem hér segir; íbúð á hæð 167,7 fm., bílskúr 20,1 fm., geymslur í kjallara 19,6 fm. og anddyri á 1. hæð 2,5 fm.

Nánari lýsing:  Komið er um sérinngang á 1. hæð.  Þar er flísalagt anddyri og nýtt teppi á stigahúsi á hæðina og stigapalli.  Stigapallur er rúmgóður og þar er fataskápur.  Af stigapalli er inngangur í svefnálmu hæðarinnar en einnig inngangur í rúmgott miðjuhol.  Á svefngangi, sem er parketlagður og með fataskáp, eru tvö baðherbergi og fjögur svefnherbergi.  Baðherbergin voru endurnýjuð 2018 á vandaðan hátt og þá var einnig skipt um innihurðir í svefnálmunni.  Hjónaherbergið er parketlagt og með fataskáp.  Baðherbergið við hlið þess (í enda gangsins) er flísalagt, með "walk in" sturtu, vegghengdu wc, innréttingu, glugga og handklæðaofni.  Við hlið hjónaherbergis, er stórt (2 skv. teikn) unglingaherbergi, parketlagt með fataskáp (ath. hurð til staðar og auðvelt að skipta upp á ný).  Annað rúmgott parketlagt herbergi með skáp og útgangi á svalir hæðarinnar.  Baðherbergi 2, er flísalagt, með baðkari, vegghengdu wc, innréttingu og handklæðaofni.  Gluggalaust, en með frásogi.  Miðjuhol hæðarinnar er parketlagt og með fataskáp.  Stofurnar eru stórar í vinkil, bjartar, með stórum gluggum, parketlagðar og með útgengi á 12 fm. flísalagðar suðursvalir, með svalalokun, lýsingu og rafmagnstenglum.  Eldhúsið er flísalagt, með hvítri innréttingu, borðkrók, span-helluborði, ofni og uppþvottavél.  Tengt fyrir tvöfaldan ísskáp.  Af holi er einnig parketlagt herbergi og flísalagt þvottahús með innréttingu, skolvaski og innisnúrum.  Í kjallara eru þrjár geymslur í séreign íbúðarinnar og sameiginleg snyrting.  Innangengt er í bílskúrinn úr kjallara, en hann er með vatni, hita og rafmagni.  Eldri flekahurð og gluggar.  Bílskúrinn er samliggjandi og opinn við bílskúr 1. hæðar.

Endurnýjun á liðnum árum skv. uppl. seljenda:
2007, nýtt eldhús og þvottahús á hæðinni.
2007, allt rafmagn dregið nýtt og ný tafla.
2018, baðherbergin bæði endurnýjuð og allar innihurðir í svefnálmu.
2020, sett ný svalalokun á svalirnar, þær flísalagðar og dregið rafmagn út.

Ath., hæðin er skráð "birt stærð séreignar" í gagnagrunni HMS 189,8 fm., en þar sem bílskúrar 1. og 2. hæðar liggja saman (ekki veggur á milli), telst hann sem "sameign sumra", en hlutfall eignarinnar í henni er 20,1 fm. = 209,9.  Þá teljast svalirnar ekki inni í fm. fjölda eignarinnar, þrátt fyrir að þær séu í dag lokaðar, en með þeim teldist eignin alls 221,9 fm. af lokuðu rými.

Allar nánari upplýsingar veitir Björn Þorri Viktorsson hrl. og lfs., bjorn@midborg.is, eða í síma 894-7070.