Borgargerði 18

Lf-fasteignasala/Lindin fasteignir s. 893-1319 og Þórdís Pála Reynisdóttir löggiltur fasteignasali thordis@lindinfasteignir.is kynna:
Borgargerði 18, Stöðvarfirði
Um er að ræða bjart og rúmgott timbureiningahús á einni hæð, sem byggt var árið 1981 en hefur verið mikið endurnýjað og fengið gott viðhald.
Stór bílskúr stendur við hlið hússins. Skúrnum hefur verið skipt í 2 rými og er að hluta nýttur sem handverksverkstæði.
Austan við íbúðarhúsið og framan við bílskúrinn er mjög stór hellulögð innkeyrsla sem jafnframt nýtist sem bílastæði.
Í íbúðarhúsinu er vönduð viðareldhúsinnrétting. Eldhúsið er stórt, bjart og opið. Góðar flísar eru á gólfinu og gólfhiti.
Rúmgott búr og þvottahús eru við hlið eldhússins.
Baðherbergi og snyrting í húsinu hafa verið gerð upp og flísalögð og skipt um hreinlætistæki og innréttingu.
Vatnslagnir á baðherbergi, snyrtingu og eldhúsi hafa verið endurnýjaðar.
Stofan er rúmgóð og björt. Við herbergjagang eru 4 góð svefnherbergi og einnig er eitt minna herbergi í húsinu sem var stúkað af í útskoti á ganginum.
Ágætt parket er á flestum gólfum fyrir utan í eldhúsi, baðherbergi, snyrtingu og forstofu en þau gólf eru flísalögð.
Húsið er byggt í vinkil og myndast sólríkt og skjógott svæði í SV átt. Þar hefur verið byggður stór sólpallur með skjólveggjum og heitum potti.
Ofan við húsið eru einnig timburpallar.
Húsið stendur á fallegum útsýnisstað ofarlega í þorpinu við Stöðvarfjörð og er talsverður trjágróður á bakvið húsið og fjallshlíðin beint þar fyrir ofan.
Gluggar í húsinu eru úr harðviði.
Settur hefur verið gólfhiti og nýtt parket í stofu.