Engjasel 82

* Eignin er seld og í fjármögnunarferli *

Fasteignamarkaðurinn ehf. s: 570-4500 kynnir til sölu fallegt, bjart og vel skipulagt endaraðhús með stórum afgirtum garði með viðarverönd og sérmerktu stæði í bílageymslu á góðum stað við Engjasel í Reykjavík. Húsið, sem er á þremur hæðum, stendur í fjölskylduvænu hverfi þar sem stutt er í alla þjónustu, leikskóla, grunnskóla og verslanir.

Eignin skiptist í forstofu, gestasnyrtingu, eldhús, borðstofu, stofu, sjónvarpstofu, þvottaherbergi, baðherbergi, hjónaherbergi, 4 barnaherbergi, 3 geymslur, ásamt sérmerktu bílastæði í bílageymslu. 

Forstofa, flísalögð með fataskáp. 
Gestasnyrting, flísalögð með wc, handlaug og hillum.
Gengið er niður parketlagðan stiga á jarðhæð.
Hol, parketlagt.
Barnaherbergi l, parketlagt og gengið út á afgirta viðarverönd.
Barnaherbergi ll, parketlagt.
Barnaherbergi lll, rúmgott og parketlagt með fataskáp.
Gengið er upp teppalagðan stiga frá inngangi á fyrstu hæð.
Stofa, parketlögð, björt og útgengið á svalir.
Borðstofa, parketlögð með aukinni lofthæð og þakglugga sem veitir mikla birtu.
Eldhús, rúmgott með hvítri Ikea innréttingu, flísalagt á milli skápa, viðarborðplata, helluborð, uppþvottavél, ofn í vinnuhæð og búrskápur með hillum á heilum vegg.
Gengið upp parketlagðan stiga á millipall.
Sjónvarpsstofa, parketlögð.
Þvottaherbergi, málað gólf, hillur og geymsla inn af.
Gengið upp parketlagðan stiga á aðra hæð.
Barnaherbergi llll, parketlagt með útgengi á svalir.
Hjónaherbergi, parketlagt með stórum skápum. 
Baðherbergi, með glugga, flísalagt gólf og við baðkarið sem er með sturtu, viðarklæddir veggir, innrétting við vask og geymsla inn af.

Lóðin er fullfrágengin, skjólsæl og stór með hellulögn við inngang, afgirtum garði með tyrfðum flötum og stórri viðarverönd. 

Húsið, lítur vel út og hefur hlotið gott viðhald, búið að skipt um þakjárn og rennur.

Staðsetning eignarinnar er virkilega góð og barnvæn, þaðan sem örstutt er í leikskóla, grunnskóla, verslanir og út á stofnbrautir. Sameiginlegt leiksvæði er fyrir framan hús og engar akbrautir liggja að húsinu.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is.

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 
Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Er því væntanlegum kaupendum bent á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 fyrir hvert skjal.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðum lánastofnana.
4. Umsýslugjald til fasteignasölu skv. kauptilboði.