Hraunsalir 18

Hraunsalir 18 í landi Kerhrauns (Kerengi) Grímsnes-og Grafningshreppi.  Lokað svæði með rafmagnshliði, (símahlið).

Fasteignaland kynnir:  Sumarhús á stórri eignarlóð sem skráð er 5.789 fm inni á skipulögðu sumarhúsasvæði í landi í Kerengi í Grímsnes-og Grafningshreppi. Um er ræða 61,6 fm sumarhús auk 24 fm geymslu sem nýtt er sem gestahús.  Samtals er húsið 85,6 fm samkvæmt Þjóðskrá Íslands. Í þessu húsi er hitakútur fyrir neysluvatn og rafmagnsofnar.  Húsið liggur á dregurum og steyptum súlum. Bæði húsin voru byggð árið 2014. 

Lýsing á eign:  Forstofa með parketi/dúk  á gólfi og fatahengi. Herbergisgangur með parketi á gólfi. Tvö herbergi með parketi á gólfi.  Baðherbergi er með dúk á gólfi, fallegri hvítri innréttingu, flísalagðri sturtu að hluta og dúk (vinyl plötur).  Útgengi út á suður sólpall. Stofan og eldhúsið í sama rými með góðri lofhæð.  Parket á gólfi og útgengi út á sólpall. Eldhús með hvítri innréttingu og vönduðum tækjum. Stór borðkrókur.

Milliloft: Um 26 fm, manngengt með parketi á gólfi og opnanlegu fagi.  Gott geymslurými er í hliðum milliloftsins undir súð.

Geymsla: Skráð 24 fm og nýtt sem gestahús.  Forstofa með dúk á gólfi og innréttingu.  Herbergi með dúk á gólfi og eldhúsinnréttingu.  WC með dúk á gólfi. Gott geymsluloft er yfir hluta af þessu rými.

Stór sólpallur með girðingu og skjólgirðingu.  Heitur pottur (rafmagnspottur).

Lóðin er 5.789 fm kjarri vaxin með glæsilegu útsýni er búið að planta miklu magni af trjágróðri.
Árgjald í félag sumarhúsaeiganda á svæðinu er um kr. 30.000 á ári.
Möguleiki er að fá hluta af innbúi með kaupum á eigninni. 
Þetta er glæsileg eign og vel um gengin.  Góð aðkoma og næg bílastæði.

Stutt er til þekktra staða á Suðurlandi, Skálholts, Þingvalla, Laugarvatns, Geysis, Gullfoss og Kersins. Stutt er í veiði, sundlaug, golfvöll, íþróttavöll og fallegar gönguleiðir. Selfoss er aðeins í 16 km fjarlægð og því stutt í alla þjónustu. Frá Reykjavík eru aðeins um 70 km sé ekið um Hellisheiði. Styttra um Nesjavallaveg.

Upplýsingar gefur: 
Heimir Eðvarðsson, löggiltur fasteignasali s. 893-1485, netfang: heimir@fasteignaland.is
Jón Smári Einarsson, löggiltur fasteignasali, s. 860-6400, netfang: jonsmari@fasteignaland.is

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignaland fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup á íbúðarhúsnæði) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýslugjald kaupanda kr. 69.900 . 
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á.