Fagrihjalli 3a

INNI fasteignasala kynnir í einkasölu: Fagrihjalli 3a, Vopnafirði.
Gengið upp á timburpall og komið inn í viðbyggingu úr timbri sem virðist ekki vera skráð inni í birtri stærð hússins. Komið inn í forstofu með tvöföldum skáp. Gegnt hurð er baðherbergi með sturtuklefa, spónaparket á gólfi með niðurfalli. Þar við hliðina, í þessari viðbyggingu er þvottahús/geymsla, dúklögð. Gengið inn í eldhús, sem er með nýlega innréttingu og nýja bekkplötu. Vaskur, eldavél og ofn, vifta tengd út. Úr eldhúsi er gengið inn í netta stofu, sem er í suðaustur horni hússins. Sama gólfefni og í eldhúsi. Úr stofu er gengið í rúmgott herbergi (suðvestur horn), spónaparket á gólfi. Úr eldhúsi er síðan gengið inn í annað svefnherbergi, panilklætt, með glugga til vesturs. Þar er lúga niður í kjallar um góðan timburstiga. Kjallari virðist ekki heldur vera talinn með í opinberri fermetrastærð hússins. Kjallari er með rakalykt, tvö rými, bæði hrá. Þörf er á að drena húsið að utan og ber kjallari þess merki. Hurð úr kjallara, upp steyptan stiga út í garð.
Að utan hefur húsið verið tiltölulega nýlega klætt og lítur það vel út. Sama gildir um þak, járn á þaki virðist í góðu ástandi. 
Lóð er gróin og húsið er vel staðsett í næsta nágrenni við grunn- og leikskóla bæjarins. 
Húsið er aðeins skráð 63,6 fm. en inn í þá fermetratölu virðist vanta bæði kjallara og viðbyggingu.