Sólmundarhöfði 7

Fasteignasalan Miðborg kynnir mjög fallega og bjarta 3ja herbergja 108 fm. íbúð á 2. hæð að Sólmundarhöfða 7 á Akranesi, sem er 9. hæða lyftuhús með tveimur útsýnislyftum, ætlað fyrir 50 ára og eldri.  Eignin skiptist í forstofu, hol, stofu, eldhús, baðherbergi, þvottahús og sérgeymslu/herbergi innan íbúðar.  Glæsilegar s-a svalir með svalalokun og fallegu útsýni.  Íbúðin er skráð 01-01, þar sem jarðhæðin er skráð sem 00-01.

Nánari lýsing:  Komið er á rúmgóða parketlagða forstofu með 5x fataskápum og innbyggðum spegli með baklýsingu.  Eldhúsið er parketlagt, með fallegri eikarinnréttingu (þverliggjandi) með granít á vinnuborðum, span helluborði og AEG ofni.  Veggur á milli stofu og eldhúss hefur verið fjarlægður sem opnar rýmið mjög.  Rúmgott hjónaherbergi með 4x fataskápum til lofts.  Baðherbergið er flísalagt, með innréttingu, glugga, handklæðaofni og sturtu.  Þvottahúsið er flísalagt, með góðum innréttingum og gert ráð fyrir vélum í vinnuhæð, gluggi og skolvaskur í þvottahúsi.  Parketlögð geymsla innan íbúðar, með glugga og hillum og aðstöðu fyrir frystiskáp/kistu (hægt að nýta sem herbergi).  Stofan er parketlögð, rúmgóð og björt, með útgangi á stórar yfirbyggðar suð-austur svalir með fallegu útsýni.  Glerlokun niður undir svalagólfi, parketflísar á gólfi, panelklæðning á veggjum, lýsing og hitalampi á svölum.  Innaf stofunni er parketlagt svefnherbergi, með stórum hornglugga og fallegu útsýni.  Björt eign, með gluggum í öllum aðalrýmum.

Sameign hússins er einstaklega snyrtileg og mikill metnaður íbúa blasir þar við.  Forstofa við aðalinngang á 1. hæð er flísalögð og þar er myndavéla-dyrasími og aðgangsstýring að sameign. Sameignargangar við lyftur eru teppalagðir og mjög rúmgóðir og bjartir.  Sameiginleg hjólageymsla á 1. hæð, en úr snyrtilegri sorpgeymslu er hægt að taka út sameiginlegt háþrýstitæki til bílaþvotta.
Húsið er 8 hæðir, steypt og klætt með álklæðningu og tekið í notkun 2015/2016.  31 íbúð eru í húsinu og við það eru 27 bílastæði á lóð og þar af 2 stæði með hleðslustöð fyrir rafmagnsbíla.  Einstök staðsetning við sjóinn, náttúruna og Langasand, Höfða hjúkrunar- og dvalarheimili, íþróttasvæðið, sundlaugina, og gönguleiðir.  Stutt í nýja miðbæinn og alla þjónustu.

Nánari upplýsingar veitir Björn Þorri Viktorsson hrl. og lögg. fasteignasali, í síma 894-7070, tölvupóstur bjorn@midborg.is.