Sléttuvegur 15

Kjöreign fasteignasala  kynnir bjarta og fallega tveggja herbergja íbúð á 5. hæð í snyrtilegu lyftuhúsi við Sléttuveg 15 í Reykjavík. Íbúð 506.  Íbúðir í húsinu eru ætlaðar 55 ára og eldri. Yfirbyggðar svalir og mikið útsýni til suðurs.  Geymsla er við hlið íbúðarinnar. Íbúðin skiptist í forstofu, gott svefnherbergi, stofu/borðstofu samliggjandi, eldhús og baðherbergi.
Nánari lýsing: komið er inn í forstofu með góðum fataskápum. Stofa og borðstofa eru samliggjandi og er útgegnt út á svalir frá stofu. Opið er inn í eldhús frá stofu og er upprunaleg eldhúsinnrétting. Tengi fyrir uppþvottavél. Svefnherbergið er mjög rúmgott með góðu skápaplássi. Baðherbergið er einnig rúmgott með "walk-in" sturtu og upprunalegri innréttingu. Tengi fyrir þvottavél. Parket er á íbúðinni, nema á baðherbergi þar er dúkur sem farið er að sjá á. Geymslan er við hlið íbúðarinnar og er 6,6 fm.  Sameign hússins er mjög snyrtileg.
Á jarðhæð hússins er líkamsræktaraðstaða fyrir íbúa með búningsklefum, heitum potti og gufu. Þar er einnig veislusalur og setustofa til afnota fyrir íbúa sem og hárgreiðslustofa og snyrtistofa. Húsvörður er starfandi í húsinu. Falleg eign á góðum stað í Fossvogi þaðan sem stutt er í alla helstu þjónustu. Fallegar gönguleiðir allt í kring.  Húsið var múrviðgert og málað að utan 2023. Á sama tíma var skipt um glugga eftir þörfum og þak yfirfarið. Nýlega var lagt nýtt teppi  á sameign.

Upplýsingar gefa sölumenn Kjöreignar i sima 533-4040 eða á kjoreign@kjoreign.is
Ásta María Benónýsdóttir lögg. fasteignasali gsm. 897-8061 eða asta@kjoreign.is
Dan Wiium lögm. og lögg. fasteignasali gsm. 896-4013 eða dan@kjoreign.is