Sjávarborg 1-5 Miðjuraðhús

Tinna Bryde löggiltur fasteignasali og Háborg fasteignasala kynna:
Sjávarborg – 4–5 herbergja fullbúin raðhús með sjávarsýn í Grænubyggð, Sveitarfélaginu Vogum.

Um er að ræða 130,4 fm glæsileg og fullbúin raðhús á einni hæð, staðsett í nýju og spennandi hverfi við sjávarsíðuna. Hér færðu sérbýli með aukinni lofthæð, gólfsíðum gluggum og fallegu útsýni – í aðeins um 15 mínútna akstursfjarlægð frá Hafnarfirði.
Eignirnar eru fullbúnar samkvæmt skilalýsingu og tilbúnar til afhendingar.

-  4–5 herbergi, hægt að bæta við fjórða herbergi með einfaldri breytingu og minnka stofu
-  Gólfsíðir gluggar og mikil lofthæð 
-  Sjávarsýn og heitur pottur 

Nánari upplýsingar um eignina veitir Tinna Bryde löggiltur fasteignasali í síma 660-5532 eða tinna@haborg.is

Skipulag og nánari lýsing:
Forstofa er flísalögð með rúmgóðum fataskápum.
Bjart og opið alrými með stofu, borðstofu og eldhúsi er hjarta heimilisins. Gólfsíðir gluggar og lofthæð sem nær allt að um fjórum metrum á hæsta punkti skapa fallegt og opið rými. Útgengt er á sólpall úr lerki með heitum potti – fullkomið til að njóta kyrrðarinnar og sjávarloftsins.
Hægt er með einföldum hætti að bæta við fjórða svefnherberginu og minnka stofurýmið, án þess að fórna birtu eða notagildi – sem gerir eignina að sveigjanlegri lausn fyrir stækkandi fjölskyldu.
Á gólfum er vandað niðurlímt askarparket en votrými eru flísalögð. Gólfhiti er í allri eigninni með Danfoss stýrikerfi sem tryggir þægindi og góða orkustýringu.
Eldhúsið er opið við alrýmið með hvítri innréttingu og ljósri Quartz borðplötu. Með hverri íbúð fylgir span helluborð með gufugleypi, bakarofn, örbylgjuofn, innbyggð uppþvottavél og ísskápur með frysti.
Svefnherbergin eru þrjú til fjögur með fataskápum í sama stíl og eldhúsinnrétting.
Baðherbergi er flísalagt í hólf og gólf með 60x60 flísum, upphengdu salerni, sturtu og fallegri innréttingu.
Þvottahús er með skolvask, innréttingu og tengi fyrir þvottvél og þurrkara.
Fyrir framan hvert hús eru tvö bílastæði og rafmagnshleðslustöð. Snjóbræðsla er í gangstéttum sem eykur þægindi yfir vetrartímann.

Staðsetning:
Sjávarborg er staðsett í Grænubyggð – nýju hverfi sem er í uppbyggingu, í fallegu og fjölskylduvænu umhverfi við sjávarsíðuna. Stutt er í leik- og grunnskóla, íþróttaaðstöðu og alla helstu þjónustu.
Hér býrðu í rólegu samfélagi umvafið náttúru Reykjanessins – en samt í þægilegri fjarlægð frá höfuðborgarsvæðinu og Keflavík.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal. Lántökugjald lánastofnunar. Um lántökugjald vísast í gjaldskrá viðkomandi lánveitanda. Umsýsluþóknun fasteignasölu skv. gjaldskrá.