Sogavegur 162

Vigdís R. S. Helgadóttir og RE/MAX kynna í einkasölu:

Virkilega skemmtileg eign í rólegum botnlanga á Sogavegi.
Steinsteypt, 130,5 m² parhús, byggt 2013, á tveimur hæðum. Vel staðsett 3-5 herbergja útsýniseign með stórum suðursvölum og vönduðum palli með stórum, steyptum heitapotti. Sjón er sögu ríkari!
Fasteignamat næsta árs, 2025, er 108.700.000 kr. -

Á allri eigninni eru ýmist flísar eða olíuborið, niðurlímt viðarparket (eik) frá Birgisson. Hurðar eru einnig frá Birgisson. Gólfhiti er í allri eigninni.

Neðri hæð:
Gengið er inn um sérinngang á jarðhæð eignar. Í forstofu er skóskápur, fatahengi og skápar innar á gangi. Flísar á gólfi.
Inn af forstofu er rými sem er skráð geymsla skv. HMS (6,9fm) en á rýminu er opnanlegur gluggi og núverandi eigandi hefur nýtt það sem svefnherbergi.
Þvottahús á jarðhæð með innréttingu/hillum og vaski. Flísar á gólfi og upp á vegg. Í rýminu er einnig stýrikerfi fyrir heitan pott en frágangur þess er mjög vandaður. Í þvottahúsi eru einnig stýringar fyrir snjóbræðslukerfi (opið kerfi með blæðingu).
Baðherbergi jarðhæðar er flísalagt í hólf og gólf og með góðri walk-in sturtu, upphengdu salerni og fallegri innréttingu.
Lítil geymsla undir stiga.

Svefnherbergi 1 er með góðum skáp, parketi á gólfi og útgengi á pall.
Svefnherbergi 2 er með góðum skáp og parketi á gólfi

Efri hæð:
Efri hæðin samanstendur af stofu, borðstofu, opnu eldhúsi, gestabaðherbergi og rými sem er skráð búr skv. HMS en er í dag nýtt sem svefnherbergi.
Í eldhúsi er tvöfaldur ísskápur með klakavél sem fylgir eigninni. 
Mikil lofthæð er á efri hæðinni og nær hún tæplega 4,5m undir mæninn.
Innbyggð lýsing er í öllu alrýminu og einnig fylgir skjávarpi sem hefur verið festur í loftið.
Úr eldhúsglugga er sérstaklega fallegt útsýni m.a. yfir til Esju.


Garðurinn var allur tekinn í gegn yfir nokkur ár.
Mikið var lagt upp úr að vanda til verks og m.a.sett sérstök styrking á tvær hliðar til að koma í veg fyrir mögulegt sig.
Í garði er glæsilegur, steyptur heitapottur með fossi. Stýrikerfi er alveg falið í palli og auðvelt er að kveikja á pottinum.
Einnig er útisturta við pottinn.
Garðurinn er alveg lokaður með skjólveggjum og hliði og mikið næði. 

Skv. HMS fylgja parhúsinu 2 stæði en pláss er fyrir fleiri bíla. Sér tengi fyrir útihleðslu rafmagnsbíla.

Allar upplýsingar veitir Vigdís lgf. vigdis@remax.is, s. 866-5118