Blómvallagata 11

Lind fasteignasala og Arinbjörn Marinósson lgf kynna virkilega fallega og vel skipulagða 2ja herbergja íbúð á 2.hæð hæð í sex íbúða húsi við Blómavallagötu í Reykjavík. Eignin er einstaklega hlýleg og smekkleg og er staðsett á friðsælum stað milli Brávallagötu og Ásvallagötu örskamt frá miðbænum.
Á jarðhæð eru undirgöng sem liggja að göngustíg um bakgarða frá Blómvallagötu yfir á Ljósvallagötu og Brávallagötu.

Nánari upplýsingar veitir Arinbjörn Marinósson Löggiltur fasteignasali, í síma 822-8574, tölvupóstur arinbjorn@fastlind.is.

Nánari lýsing:
Gangurinn er með fallegu stafaparketi á gólfi. Á ganginum er skemmtileg, vegghengd skápaeining/bekkur.
Svefnherbergið er mjög rúmgott, með stafaparketi á gólfi, stórum krossglugga, skrautlistum í loftkverkum og vegghengdum fataskáp með hvítum glerhurðum og skúffum.
Eldhúsið er rúmgott með nýlegri, arkitektteiknaðri og sérsmíðaðri innréttingu í 70s retro-stíl, hvítum keramikvask, flíslögðum veggjum við innréttingu og svörtum vínildúk. Í innréttingu eru tæki með burstaðri stáláferð; innbyggð uppþvottavél, fjölvirkur bakarofn og gashelluborð með vegghengdum háfi. 
Stofan er björt og rúmgóð með stafaparketi á gólfi og stórri, tvöfaldri svalahurð sem liggur að nýlegum svölum.
Svalirnar, sem snúa í austur eru úr galvanseruðu stáli með harðviðargólfi og -handlista.
Baðherbergið er með upphengdu salerni, handlaug á nettum skáp og baðkari með sturtuaðstöðu. Flísalagt í hólf og gólf með stórum spegli, vegghengdum skápum yfir salerni og handklæðaofni.  

Íbúðinni fylgir herbergi/geymsla í kjallara með nýjum, opnanlegum glugga og miðstöðvarofni. Lofthæð 2 metrar og góðir möguleikar til íveru eða geymslu. Í kjallarnum er einnig sameiginlegt þvottahús þar sem hver íbúð hefur sína þvottavél, ásamt þurrkherbergi/hjólageymslu og kyndiklefa. Aftan við húsið er afgirtur garður sem tilheyrir húsinu, með grasflöt og fallegu birkitré. Húsið tilheyrir samfelldri húsaröð sem umlykur fallegan bakgarð með göngustígum og mikilli gróðursæld og skjóli. Gólfefni íbúðarinnar er gegnheilt, niðurlímt stafaparket með háum hvítlökkuðum gólflistum. Hurðir, sem eru upprunalegar, gefa íbúðinni klassískan karakter. Nýlega var komið fyrir eldvarnarhurð inn í íbúð.

Framkvæmdir síðustu ára samkvæmt seljanda:

2012 – Íbúar smíðuðu nýja girðingu í garð.
2013 – Hellulögn við girðingu og undir ruslatunnur.
2015 – Framkvæmdir
-          Sótt um byggingarleyfi fyrir svölum, þakkvisti og eldvarnarhurðum.
-          Þak: Skipt um klæðningu og pappa, þaksperrur styrktar.
-          Settar svalir á íbúð.
-          Múrviðgerðir og málun á útveggjum hússins
-          Ný útidyrahurð í kjallara
-          Skipt um glugga í sameign og íbúðum eftir þörfum.
2020 – Kjallaragólf flotað og málað.
2021 – Útidyrahurðir íbúða – Gömlum hurðum skipt út fyrir nýjar eldvarnarhurðir. Verk klárað 2023.
2025 – Nýjir dyrasímar – skipt út gömlum lögnum sem voru utanálykkjandi og nýjar lagðar innan dyrakarma.
2025 - Framkvæmdir standa yfir á stigagangi, verið er að mála og pússa handrið. Til stendur að skipta um teppi í lok árs.

Allir kaupendur okkar fá Vildarkort Lindar. Með því að framvísa kortinu færð þú 30% afslátt hjá 9 samstarfsaðilum: Húsgagnahöllin, S. Helgason, Flugger litir, Húsasmiðjan,
Z brautir og gluggatjöld, Vídd, Parki, Betra bak, Vodafone og Dorma. 

Eignin Blómvallagata 11 er skráð sem hér segir hjá FMR: Eign 200-4288, birt stærð 68.5 fm.

-----------------------------------------------------------------------
Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila 
    Fyrstu kaup - 0,4% af heildarfasteignamati
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar
4. Umsýsluþóknun til fasteignasölu, sbr.kauptilboð.