Efstaleiti 13

Domusnova og Ingunn Björg lgf. kynna glæsilega, bjarta og vel skipulagða 3 herbergja íbúð á jarðhæð með yfirbyggðum svölum í nýlegu lyfuhúsi við Efstaleiti 13. Eigninni fylgja tvö sérmerkt bílastæði í upphituðum bílakjallara auk rúmgóðs bílskúrs.  Auk hefðbundinnar notkunar hentar rýmið vel sem tómstundaherbergi, til dæmis fyrir golfhermi, líkamsrækt eða aðra afþreyingu.

Eldhús, borðstofa og stofa eru í björtu og rúmgóðu alrými. Aukin lofthæð er í íbúðinni og gólfsíðir gluggar, í borðstofu er horngluggi sem gefur rýminu skemmtilegan karakter. Úr stofu er útgengt á yfirbyggðar svalir sem snúa til suðurs. inn af eldhúsi er rúmgott þvottahús / búr með góðri innréttingu sem nýtist vel sem framlenging af eldhúsi, tengi fyrir þvottavél og þurrkara. Tvö rúmgóð svefnherbergi eru í eigninni auk baðherbergis með góðri innréttingu, handklæðaofni, walk inn sturtu og baðkari. Innangengt er úr sameign í 30,9 fm bílskúr með rafdrifinni hurð. Bílastæðin tvö eru staðsett fyrir framan bílskúr. Rúmgóð geymsla er staðsett á geymslugangi. 
Skv. HMS er eignin skráð 145,4 fm, þar af er bílskúr 30,9 fm og geymsla 10,6 fm.

Virkilega falleg eign á afar eftirsóttum stað miðsvæðis á Höfuðborgarsvæðinu, þar sem stutt er í alla helstu þjónustu, s.s. heilsugæslu, apótek, kaffihús með útisvæði, Kringluna. Fallegar gönguleiðir og útivistarsvæði í eru einnig í næsta nágrenni. 

Nánari upplýsingar veitir:
Ingunn Björg Sigurjónsdóttir löggiltur fasteignasali / s.856 3566 / ingunn@domusnova.is

Nánari lýsing eignar:

Litir og samsetningar innréttinga og flísa voru valdar af Rut Káradóttur innanhússarkitekt. Innréttingar eru hannaðar af GKS og smíðaðar af Nobilia í Þýskalandi. Góflefni íbúðar eru fallegt harðparket og flísar.
Forstofa : Rúmgóður fjórfaldur fataskápur.
Eldhús : Fallegt og nútímalegt eldhús með vandaðri innréttingu og góðu skápaplássi, innbyggð uppþvottavél, rúmgóð eyja með span helluborði með háf yfir. 
Þvottahús / búr : Inn af eldhúsi er rúmgott þvottahús / búr með vandaðri innréttingu með efri og neðri skápum, tengi fyrir þvottavél og þurrkara, vaskur. Tvöfaldur Samsung ísskápur fylgir með í kaupunum.
Stofa / borðstofa: Rúmgott og bjart rými með gólfsíðum gluggum, útgegnt frá stofu út á yfirbyggðar svalir. 
Hjónaherbergi: Rúmgott og bjart, með góðu skápaplássi, stærð 12,2 fm.
Herbergi 2: Rúmgott og bjart með fallegum hornglugga, stærð 12, 4 fm. 
Baðherbergi: Fallegar ljósar flísar á veggjum og gólfi, rúmgóð innrétting með skúffum og skápum, speglaskápur á vegg. Handklæðaofn, walk inn sturta, og baðkar.
Bílskúr: Mjög rúmgóður bílskúr með rafdrifinni bílskúrshurð, lofthæð 270 sm. Stærð 30,9 fm. Innangengt er í bílskúr úr sameign ásamt bílakjallara, fjölbreyttir möguleikar á nýtingu.
Bílastæði:  Tvö stæði í upphituðum bílakjallara eru við hlið bílskúrs, merkt 05 B70 og 05 B71. Rafhleðslustöð. 
Geymsla: Rúmgóð geymsla á sameignar gangi með mikilli lofthæð, stærð 10,6 fm. 
Skjólsæll og fallegur sameiginlegur inngarður. 


Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.