Háilundur 4

** Eignin er seld með fyrirvara **

 Háilundur 4 - Vel skipulagt 4ra herbergja einbýlishús á einni hæð á vinsælum stað á Brekkunni - Stærð 121,6 m²
Húsið er byggt úr timbri og er svokallað viðlagasjóðshús á steyptum sökkli.

Eignin skiptist í forstofu, gang, eldhús, borðstofu, stofu, tvö baðherbergi, þrjú svefnherbergi og þvottahús/geymslu.

Forstofa er með parketi á gólfi og opnu hengi. 
Eldhús, korkur á gólfi og snyrtileg hvít og beyki innrétting með flísum á milli skápa.
Stofa og borðstofa liggja saman, rúmgott rými með parketi á gólfi og gluggum til þriggja átta. Úr stofunni er hurð út til vesturs á timbur verönd. 
Svefnherbergin eru þrjú, tvö barnaherbergi með teppi á gólfum og tvöföldum fataskápum og hjónaherbergi með dúk á gólfi og þreföldum fataskáp. 
Baðherbergin eru tvö, annað með dúk á gólfi, wc, handlaug og baðkar og hitt með wc, handlaug og sturtu. Opnanlegir gluggar eru á báðum baðherbergjunum. 
Þvottahúsið er með steyptu og lökkuðu gólfi, hillum og hlera upp á háaloft. Þvottahúsið hefur nýst sem annar inngangur fyrir eignina. 

Annað
- Gler var endurnýjað árið 2016.
- Þakkantur og þakrennur endurnýjað árið 2016.
- Ljósleiðararör er komið inn í húsið.
- Timburgólf er í öllu húsinu fyrir utan baðherbergi og þvottahús, þar er steypt.

Um er að ræða dánarbú og því þekkir seljandi ekki vel til ástand eignarinnar. Kaupendur eru því hvattir til að skoða eignina vel og eftir atvikum leita sér aðstoðar fagmanns. Húsið selst í því ástandi sem það er í.

Eignin er í einkasölu