Hverfisgata 82

Falleg, björt og sjarmerandi studioíbúð í húsi sem arkitektinn Sigvalda Thordarson teiknaði,
til sölu við Hverfisgötu 82, Reykjavík sem býður upp á mikla möguleika.
Íbúðin er 53 fm og var áður 2ja herbergja og er staðsett í steyptu húsi frá árinu 1960. 
Íbúðin hefur verið mikið endurnýjuð, m.a. eldhús og baðherbergi. Hiti settur í gólf íbúðarinnar og flotað yfir,
neysluvatnslagnir endurnýjaðar og rafmagn að mestu leyti. Gluggar á suðurhlið endurnýjaðir og sett opnanleg fög,
þannig að mögulegt væri að útbúa þar herbergi.
Frábærlega vel staðsett íbúð í hjarta borgarinnar, stutt í alla þjónustu,
verslun og litríkt miðborgarlíf.
 
Nánari lýsing
Komið er inn í opið alrými með stórum gluggum til norðurs, opið eldhús með bakarofni og ljósri opinni viðarinnréttingu, tengi fyrir uppþvottavél og þvottavél.
Helluborð er ekki í innréttingunni en lausar færanlegar hellur fylgja með. Auðvelt væri að stækka innréttingu.
Stofa og svefnherbergi í stóru og opnu rými, Gluggar bæði til norðurs og suðurs og veita mikla og góða birtu inn í íbúðina.
Auðvelt væri að stúka af svefnherbergi eða tvö minni herbergi þar sem stóri suðurglugginn er með tveimur opnanlegum fögum.
Baðherbergi er með sturtu og upphengdu klósetti, flísar á gólfi. 
Hiti í öllum gólfum íbúðarinnar og flotað yfir nema flísar á baðherbergi.

Sameiginleg þakverönd með útgengi frá 2. hæð, beint á móti inngangi íbúðarinnar, snýr inn í bakgarð hússins.
Vagna- og hjólageymsla er staðsett á jarðhæð hússins.

Eftirfarandi framkvæmdir hafa átt sér stað á húsinu undanfarin ár.
Skipt um alla glugga í íbúðum á suðurhlíð hússins og á norðuhlið þar sem þurfti árið 2023. 
Hús múrviðgert og málað að utan árið 2022
Þak yfirfarið árið 2022.
Brunaveggur settur upp í sameign á jarðhæð til að loka af atvinnuhúsnæði.

Allar frekari upplýsingar veita Sigríður Jónasdóttir löggiltur fasteignasali í síma 661-4141 eða gegnum tölvupóstfangið sigridur@bjarturfasteign.is 

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupa á fasteign:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: Af kaupsamningi, skuldabréfi, veðleyfi, afsali o.s.frv., kr. 2.700 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. kauptilboði.