Heiðarbyggð 0

Heiðarbyggð C-5 , 54.2 fm 3 herbergja fallegt sumarhús í Hrunamannahreppi, 6km frá Flúðum, með stórri timburverönd í kringum sumarhúsið, heitum potti og stórfenglegu útsýni . Sumarhúsið er mikið til nýlega uppgert. Nýlega málað að utan sem innan, nýleg gólfefni, eldhús uppgert, nýleg borðplata, blöndunartæki og vaskur, nýleg sturta, sérsmíðuð gluggatjöld, nýleg ljós, pottur massaður og málaður og nýjar vatnslagnir lagðar árið 2016.  Stutt er í marga sögufræga staði og náttúruperlur eins og Skálholt, Þjórsárdalur, Gullfoss og Geysir. Innbú fylgir með bústaðnum. 

Eignin er skráð skv. Þjóðskrá Íslands alls 54,2fm. 

Eignin skiptist í: Forstofu, 2 svefnherbergi, stofu, eldhús, baðherbergi, geymsla og rúmgott svefnloft. 

Lóðaleigusamningur endurnýjast sjálfkrafa á 5 ára fresti. Lóðaleigan ásamt hitaveitu er um kr. 300.000.- á ári og er það skipt niður í tvær greiðslur á ári. 

Nánari lýsing eignarinnar: 
Komið er inn í forstofu. Inn af  forstofu er geymsla. Úr forstofunni er komið inn í lítinn gang þar sem á vinstri hönd er svefnherbergi. Litlu lengra á ganginum er baðherbergi með sturtu. Við enda gangarins er hjónaherbergið ásamt því að þar er stigi sem liggur upp á svefnloft, þar er pláss fyrir 4-6 að sofa. Úr gangi er gengið inn í bjarta stofu og þaðan í eldhúsið sem er með góðan borðkrók.
Ljósgrátt harðparket er á öllum gólfum nema á baði þar sem er dúkur.

Gengið er út á rúmgóðan pall frá stofu. Heitur pottur er á pallinum og nær í kringum bústaðinn, er því hægt að ná sólinni hvenær sem er dags.   

Margskonar afþreyingu er að finna á svæðinu s.s. magnaðar náttúruperlur, margar frábærar gönguleiðir, golfvellir ásamt því að stutt er í þjónustu og sundlaug á Flúðum. 

Allar nánari upplýsingar veitir Guðbjörg G. Sveinbjörnsdóttir lgfs. í síma 899-5949 eða á netfanginu gudbjorg@trausti.is eða Þórunn M. Kærnested aðstoðarm. fasteignasala í síma 868-9552 eða á netfangið thorunn@trausti.is