Mosavegur 7

Heimili fasteignasala kynnir til sölu fallegan og vel staðsettan sumarbústað (bygg. 1990) við Mosaveg 7 í landi Úthlíðar í Biskupstungum í Bláskógabyggð. Birt stærð eignarinnar er 75 fm, en þar til viðbótar eru tvö óskráð svefnloft (ca. 40 fm samtals) og nýtanlegir fermetrar því fleiri en birt stærð segir til um. Eignin samanstendur af tveimur húsum og tengibyggingu og skiptist í anddyri/gang, eldhús, borð- og setustofu í opnu rými, fjögur svefnherbergi, tvö svefnloft, baðherbergi og þvottahús. Bústaðurinn stendur á 5.829 fm leigulóð og er fullbúinn með heitu- og köldu vatni og rafmagni. Falleg fjölskyldueign sem getur verið laus til afhendingar fljótlega eftir undirritun kaupsamnings. 

Nánari upplýsingar veitir Brynjólfur Snorrason, lgfs., brynjolfur@heimili.is

Nánari lýsing.
Komið inn í anddyri þar sem til hægri er eldhús, borð- og setustofa í opnu rými auk svefnlofts yfir eldhúsi, og til vinstri eru fjögur herbergi baðherbergi og svefnloft. Í eldhúsi er nýleg innrétting og tæki, góð vinnuaðstaða og mikið skápaplass. Á gólfi er parket. Borð- og setustofa eru í opnu rými með eldhúsi og frá borðstofu er útgengt á timburverönd sem liggur umhverfis húsið. Í hinum hluta bústaðarins eru sem fyrr segir fjögur svefnherbergi með svefnplássi fyrir allt að tíu manns og baðherbergi með ágætri innréttingu, sturtuklefa og glugga með opnanlegu fagi. Yfir þessum hluta er einnig annað rúmgott svefnloft. 
Á bak við hús er nýleg timburverönd þar sem er heitur pottur (verönd og heitur pottur voru endurnýjuð haustið 2024) og fallegur kjarrivaxinn garður þar sem m.a. er sex holu frisbí-gólfvöllur. Þá er einnig viðbygging tengd húsinu þar sem er þvottahús/geymsla og á veröndinni er skúr sem hýsir vatnsinntök og stýringu fyrir heita pottinn. 

Árið 2018 var baðherbergi endurnýjað ásamt því að skipt var um rotþró. Þá hafa frárennslis-, pípu- og raflagnir verið endurnýjaðar að hluta. Lóðarleigusamningur er til 25 ára frá árinu 2018 og lóðarleiga ca. 140.000 á ári.
Úthlíðar sumarhúsasvæðið er með fjóra síma á öryggishliðum og hitaveita er á svæðinu. Þá er rekið á svæðinu sumarhúsafélag og ferðaþjónusta þar sem t.d. er níu holu golfvöllur, hestaleiga, veitingarstaður í Réttinni o.fl.

Fallegur bústaður á vinsælu svæði þar sem stutt er í falleg útivistar- og göngusvæði, og þjónustu að Flúðum og Laugarvatni. 

Nánari upplýsingar veitir Brynjólfur Snorrason, lgfs., brynjolfur@heimili.is 

Heimili fasteignasala og Landmark fasteignamiðlun eru að sameinast – ný fasteignasala tekur til starfa í haust. Með samruna verður til fasteigasala sem býr yfir breiðari þekkingu, mikilli reynslu, sterkum innviðum og getu til að mæta síbreytilegum þörfum markaðarins.  

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Heimili fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 79.900. 
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
 
Heimili fasteignasala – á traustum grunni frá 2002.
Grensásvegi 3, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Upplýsingar um starfsfólk má finna á heimasíðu Heimili og á Facebook.