Bollagarðar 5

Nýtt á skrá! Bollagarðar 5 Seltjarnarnesi

Lind fasteignasala / Heimir Hallgrímsson lögg. fasteignasali kynna afar fallegt og vel staðsett 5 herbergja raðhús með innbyggðum bílskúr á fjölskylduvænum stað við Bollagarða á Seltjarnarnesi. Húsið er alls 184,7 fermetrar að stærð og þar af 20,8 fermetra bílskúr. Rúmgóð stofa með aukinni lofthæð að hluta og útgengi á verönd (hellulögð og timbur) í afgirtum og skjólgóðum bakgarði til suðurs.

Fjögur svefnherbergi eru í húsinu, eitt á neðri hæð (neðsta palli) hússins og þrjú á efri hæð (efsta palli). Komið er inn í forstofu og þaðan er gengið í eldhús og búr/geymslu. Þaðan er hægt að ganga niður á neðsta pall hússins þar sem er staðsett stórt herbergi, geymsla og rúmgott þvottaherbergi (m.a. með lögnum fyrir sturtu). Frá holi er gengið upp í rúmgóða og bjarta stofu og þaðan upp á efsta pall þar sem eru staðsett þrjú svefnherbergi og baðherbergi. 

Þakið var endurnýjað fyrir u.þ.b. 10 árum síðan. Rafmagnið var endurnýjað árið 2025 með 3fasa rafmagni og rafhleðslustöð. Hitavatnsgrindin var endurnýjuð árið 2008. Auk þess var baðherbergi endurnýjað fyrir u.þ.b. 15 árum síðan.

Lóðin er vel hirt og viðhaldslítil. Hellulögð stétt með snjóbræðslu fyrir framan hús. Falleg afgirt baklóð með verönd (hellulagðri og viðarverönd) að hluta og fallegri kvöldlýsingu. Staðsetning hússins er afar góð í rólegri lokaðri barnvænni götu. Frábært leiksvæði í eigu húseigenda við Bollagarða sem samanstenfur af klifurkastala, klifurgrind, rólum, sandkassa og fleiri skemmtilegum barnatækjum.

Nánari lýsing:
Neðri hæð:
Forstofa: Með flísum á gólfi.
Hol: Með flotuðu og lökkuðu gólfi.
Eldhús: Með flotuðu gólfi og viðar eldhúsinnréttingu. Stál AEG bakaraofn, keramik helluborð og tengi fyrir uppþvottavél. Gluggi til norðurs og borðkrókur.
Búr/geymsla: Er staðsett við eldhús. Korkflísar og hillur. Lagnir til staðar til þess að útbúa gestasnyrtingu.
Gengið niður nokkur þrep á neðsta pall hússins.
Svefnherbergi I: Er stórt með máluðu parketi og glugga til suðurs.
Geymsla: Með parketi á gólfi og hillum.
Þvottaherbergi: Er rúmgott með máluðu gólfi, skápum og þvottasnúrum. Vinnuborð og tengi fyrir þvottavél og þurrkara. Lagnir til staðar fyrir sturtu.

Efri hæð:
Stofa: Er rúmgóð með parketi á gólfi og aukinni lofthæð að hluta. Útgengi á fallegan skjólgóðan garð til suðurs. Stofa rúmar vel setustofu og borðstofu.
Gengið upp nokkur þrep frá stofu upp á svefngang.
Svefnherbergi II: Með parketi á gólfi og glugga til norðurs.
Svefnherbergi III: Með parketi á gólfi og glugga til norðurs.
Hjónaherbergi: Er stórt, með parketi á gólfi, aukinni lofthæð og góðu skápaplássi. Möguleiki væri að stúka af fataherbergi inn af hjónaherbergi. Gluggi til norðurs.
Baðherbergi: Var endurnýjað fyrir u.þ.b. 15 árum síðan. Flísar á gólfi og gólfhiti. Flísalögð sturta með glerhurð. Innrétting við vask, upphengt salerni og gluggi til suðurs.

Bílskúr: Er 20,8 fermetrar, afar snyrtilegur og með máluðu gólfi. Vinnuborð og heitt/kalt vatn. 3 fasa rafmagn og rafhleðslustöð.

Nánari upplýsingar:
Heimir Hallgrímsson, lögg. fasteignasali / heimir@fastlind.is / 849-0672