Aðalgata 12

Fasteignasala Sauðárkróks býður til sölu fasteignina við Aðalgötu 12, Sauðárkróki ásamt tilheyrandi lóðarréttindum.
Um er að ræða einbýlishús á tveimur hæðum sem þarfnast verulegs viðhalds. 
Húsið var byggt úr timbri árið 1897 og er eignin skráð 155,4 fm.  
Leigulóð hússins alls er 220 fm. 
Fasteignin er vel staðsett í miðbæ Sauðárkróks.

Þak hússins var endurnýjað fyrir nokkuð árum síðan.
Til eru nýjir gluggar og hurðir í húsið og þegar hefur verið skipt um nokkra glugga á efri hæð.
Lagnir hafa verið endurnýjaðar að hluta. 
Gámur á lóð fylgir ekki. 
Tvær rafmagnstöflur eru fyrir hvora hæð.
Áhugasamir eru hvattir til að kynna sér ástand hússins vel. 

Öll hús og mannvirki sem eru 100 ára eða eldri eru friðuð, sbr. 29. grein laga um menningarminjar nr. 80/2012. Óheimilt er að raska friðuðum húsum og mannvirkjum, spilla þeim eða breyta, rífa þau eða flytja úr stað nema með leyfi Minjastofnunar Íslands. Miðað er við að leitað sé leyfis stofnunarinnar áður en ráðist er í allar byggingaleyfisskyldar framkvæmdir  og sömu gögn send Minjastofnun til umsagnar og senda þarf til byggingarfulltrúa. Í kafla 2.3.5 byggingarreglugerðar koma fram þær framkvæmdir sem undanþegar eru byggingarleyfi. Halda má við friðuðum húsum, mannvirkjum og mála þau án sérstaks samráðs við Minjastofnun, sé ekki um byggingaleyfisskyldar framkvæmdir að ræða.

Nánari upplýsingar er að fá hjá Fasteignasölu Sauðárkróks í síma 453 5900 eða á netfangið fasteignir@krokurinn.is
Sunna Björk Atladóttir lögmaður og löggiltur fasteignasali