Hrannarstígur 34

Raðhús á einni hæð með bílskúr. Húsið er steinsteypt. Húsið skiptist í forstofu, stofu með parketi og útgangi út á timburlagða verönd, eldhús er parketlagt með viðarinnréttingu, efri og neðri skápum. Bæði hjónaherbergi og annað svefnherbergi eru parketlögð og með fataskápum. Úr eldhúsi er gengið inn í geymslu/þvottahús, með máluðu gólfi, en þaðan er innangengt í bílskúr og einnig er gengið þaðan út á sólpall. Bílskúrsgólf er málað og geymsluloft er yfir hluta bílskúrsrýmis. Lóðin er frágengin, með steyptu bílaplani fyrir framan hús og grasflöt sunnan megin. Húsið er hluti af sjö íbúða raðhúsi. Í næsta nágrenni eru fleiri íbúðir ætlaðar eldri borgurum. Hjúkrunarheimilið Fellaskjól er handan götunnar. Stutt er í aðalmatvöruverslun bæjarins og heilsugæslustöð (~500m) og íþróttahús/sundlaug (~300m).