Hólar 2

Borg fasteignasala kynnir eignina Hóla 2, í Reykhólahreppi.

Um er að ræða um 5 hektara óræktað land ásamt húsakosti. Landinu er skipt í tvo skika, annars vegar land umhverfis íbúðarhúsið og hins vegar skiki sem er staðsettur ofan við veg, (sjá teikningu)
Jörðin hefur ekki verið í búrekstri í allnokkur ár. Húsakosturinn er kominn til ára sinna og þarfnast viðhalds. Á fasteignayfirliti eru skráð hús sem ekki standa lengur á jörðinni.
Íbúðarhúsið er reisulegt og við það eru sambyggð útihús, gamalt fjós og hlaða. Hlaðan sem stendur vestast í lengjunni er í ágætu lagi en hana væri vel hægta að nýta t.d sem geymsluhúsnæði. Íbúðarhúsið þarfnast viðhalds, meðal annars þarf að skipta um glugga að norðanverðu og huga að klæðningu. Útihúsin sem eru sambyggð íbúðarhúsinu til vesturs. Húsin eru á misjöfnum aldri og er ástand þeirra eftir því.

Staðsetningin er góð með tilliti til aðgengis allt árið og útsýnið frá bænum yfir Króksfjörðinn er einstakt. Akstur frá höfuðborgarsvæðinu er um 2,5–3 klukkustundir. Um 25 mínútna akstur er á Reykhóla og um 30 mínútna akstur á Hólmavík.

Á staðnum er heitt og kalt vatn.

Hér er á ferðinni áhugaverður kostur fyrir þá sem vilja koma sér upp sælureit á sérstökum stað og nýta þau tækifæri sem landið og staðsetningin bjóða upp á.

Nánari upplýsingar veitir Héðinn Birnir Ásbjörnsson Lögg. fasteignasali, í síma 848 4806, tölvupóstur hedinn@fastborg.is.

Með undirritun sinni á þetta söluyfirlit staðfestir seljandi/seljendur að efni þess sé rétt samkvæmt hans/þeirra bestu vitund. Kaupandi/kaupendur staðfestir/staðfesta með áritun sinni á þetta söluyfirlit að hann/þeir/þau hafi kynnt sér efni þess.