Kirkjusandur 5

Til sölu mjög rúmgóð 165 fm íbúð á 4. hæð í þessu glæsilega fjölbýlishúsi við Kirkjusand 5. Tvennar svalir eru í íbúðinni báðar yfirbyggðar og er mjög fallegt útsýni frá íbúðinni m.a. út á Faxaflóa, miðbæ Reykjavíkur og Esjuna. Tvö bílastæði í bílageymslu fylgja íbúðinni og eru þau hlið við hlið. Einnig er búið að tengja hleðslustöð við stæðið. Í húsinu er lyfta og yfirbyggðar upphitaðar svalir.
Húsvörður er starfandi á svæðinu sem sér um sameign og viðhald á þremur húsum sem standa á lóðinni. Einstök eign í virðulegu húsi.

Skipting eignar: Anddyri, stofa, borðstofa, vestursvalir, eldhús, sjónvarpshol, þrjú svefnherbergi, austursvalir, baðherbergi, gestasnyrting, geymsla, þvottahús á hæð, sérgeymsla, sameiginleg dekkjageymsla og tvö stæði í bílageymslu. Sameiginlegt þvottahús fyrir hæðina. 

Nánari lýsing:
Anddyri: Rúmgott anddyri með fataskáp.
Gestasnyrting: Flísalögð gestasnyrting með hvítri innréttingu og spegli með innbyggðu ljósi.
Eldhús:  Fallegt eldhús með granít borðplötu, tengi fyrir tvöfaldan ísskáp, tengi fyrir uppþvottavél og góður borðkrókur með glæsilegu útsýni til norðurs og vesturs. 
Stofa: Stofa er tvískipt í fremri stofu sem er borðstofa og innri stofu sem er setustofa. Út frá setustofu eru yfirbyggðar svalir með frábæru útsýni en opnanlegur gluggi er á svölunum.
Sjónvarpshol: Rúmgott sjónvarpshol er við svefnherbergin. 
Svefnherbergi I: Rúmgott hjónaherbergi með góðum fataskápum. Parket á gólfi.
Svefnherbergi II: Gott herbergi með fataskáp. Parket á gólfi.
Svefnherbergi III: Hefur verið nýtt sem skirfstofa. Inn af herberginu eru stórar yfirbyggðar svalir sem snúa til norðurs og austurs. Stórir opnanlegir gluggar eru á svölunum.
Baðherbergi: Flísalagt baðherbergi með hvítri innréttingu og baðkari með sturtuaðstöðu.  

Í kjallara er 10,1 fm geymsla íbúðarinnar ásamt tveimur stæðum í bílageymslu. Hleðslustöð er við annað stæðið en búið er að leggja rafmagn fyrir stöð að hinu. Stæðin liggja hlið við hlið.  Einnig er sameignargeymsla þar sem íbúðin hefur sérhillueiningu sem nýtist t.d. undir dekk og annað.
Á jarðhæð í húsinu er fótaaðgerðarstofa og í húsi númer 1 er æfingasalur með tækjum fyrir hús númer 1,3 og 5
Á lóðinni er lítill leikvöllur, lítill púttvöllur og í stuttu göngufæri er t.d. verslunarkjarni við Laugaalæk. Þar má finna kaffihúsið Kaffi lækur , Brauð og co., og fleiri góðar verslanir. Aðeins lengra í hverfinu má finna Laugardalslaug, Worldclass og alla þjónustu við og í kringum Borgartúnið.