Kambur 0

Kambur í Aðaldal, snyrtilegt sumarhús á friðsælum stað í 50 mínútna akstursfjarlægð frá Akureyri.
Húsið var byggt 1949 og er samtals 69 m² allt á einni hæð, auk ca. 6 m² útigeymslu vestan við húsið, húsið stendur á 1.547 m² eignarlandi og selst með húsinu.
Húsið stendur á steyptum grunni og er klætt með viðarklæðningu, við innganginn austan megin er hellulögð verönd með skjólvegg og stór pallur er við suðvestur hluta hússins. Malarvegur liggur að húsinu með bílaplani.

Í húsinu eru tvö svefnherbergi, eldhús og borðstofa í opnu rými, sólstofa, baðherbergi með sturtu, og geymsla.
Sólstofa - Gengið er inn í sólstofuna með stórum gluggum í norðaustur, þar eru flísar á gólfum og LED lýsing í lofti.
Eldhús, borðstofa – Ný eldhúsinnrétting var sett upp 2024, sambyggð eldavél og uppþvottavél er í eldhúsi auk tengi fyrir þvottavél, borðstofa er í sama rými og er vinylparket á gólfum, hurð frá eldhúsi leiðir út á stóran pall.
Svefnherbergi – Í húsinu eru tvö svefnherbergi, vinylparket á gólfum, fatasnagar eru í öðru herberginu og fataslá með snögum í hinu.
Baðherbergi – Eitt baðherbergi er í húsinu, þar eru gráar flísar á gólfum og hvítar baðplötur á veggjum, sturta og handklæðaofn.
Geymsla – Lítil geymsla með ísskáp, þar er vinylparket á gólfi og spónaplötur á veggjum.
Pallur – Við vestur- og hluta suður vegg hússins er viðarpallur með skjólvegg, þar er ca. 6 m² útigeymsla, á pallinum stóð rafmagns heitur pottur sem hefur verið fjarlægður.

Annað
- Afhending 1. september eða eftir samkomulagi.
- Allt innbú fylgir eigninni, fyrir utan sófa í sólstofu og rúmin.
- Ljósleiðari er kominn í húsið.
- 15-20 mín. akstursfjarlægð frá Laugum.
- 25-30 mín. akstursfjarlægð frá Húsvík.
- Þakrennur endurnýjaðar 2024.
- Lýsing, parket, rafmagnstafla og innfellingarefni endurnýjað 2023.
- Gler í sólstofu var endurnýjað, skipt um klæðningu neðan við glugga þar og timburverk lagfært.
- Nýjir ofnar settir upp 2020.