Langholtsvegur 6

Nýtt á skrá! Langholtsvegur 6 í Reykjavík - Bókið skoðun.

Lind fasteignasala / Heimir Hallgrímsson lögg. fasteignasali kynnir afar fallegt, mikið endurnýjað og vel skipulagt 225,0 fermetra einbýlishús með bílskúr við Langholtsveg 6 í Reykjavík. 
Eignin er með fjórum til fimm svefnherbergjum, tveimur stofum, sjónvarpsstofu, baðherbergi, gestasnyrtingu, holi, eldhúsi og þvottarými. Stór 48,1 fermetra bílskúr með rúmgóðu bílaplani með snjóbræðslu fyrir framan og rafhleðslustöð. Risloft/geymsluloft er yfir stofurými. Auk þess er snjóbræðsla í útitröppum við aðalinngang. Lóðin er 514,8 fermetrar að stærð og virkilega falleg með tyrfðum flötum og fallegum gróðri. Stór afgirt viðarverönd til suðvesturs með heitum potti. Stór geymsluskúr við verönd.

Eignin hefur verið mikið endurnýjuð á undanförnum árum. Má þar nefna að byggt var við húsið árið 2005. Árið 2011 var allt húsið endursteinað ásamt því að þak, þakrennur og gler var endurnýjað. Að sögn eiganda hefur auk þess verið endurnýjað mikið þegar kemur að lögnum (vatns-, ofna- skólp og rafmagnslagnir). Þá er sömuleiðis búið að endurnýja gólfefni, innréttingar og baðherbergi fyrir einhverjum árum síðan. 

Nánari lýsing:
Aðalhæð:
Forstofa: Með flísum á gólfi, gólfhita og skápum.
Svefnherbergi I: Með parketi á gólfi, skápum og glugga til austurs.
Setustofa: Er rúmgóð með parketi á gólfi og gluggum til suðurs og austurs. Afar sjarmerandi loftlistar og gluggakarmar. 
Borðstofa: Með flísum á gólfi og aukinni lofthæð með innfelldri lýsingu í loftum. Stórir gólfsíðir gluggar til suðurs og vesturs ásamt fallegri tvöfaldri vængjahurð út á verönd/bakgarð. 
Verönd: Er stór og afgirt með heitum potti. Stór geymsluskúr er staðsettur við viðarverönd. Þaðan er hægt að ganga að bílskúr og sunnan megin við hús um afgirta tyrfða lóð. Markísa er staðsett fyrir ofan hurð út á verönd.
Eldhús: með flísum á gólfi og fallegri Alno eldhúsinnréttingu. Stál Whirlpool bakaraofn og stál Ariston innbyggð kaffivél. Stórt Husqvarna spanhelluborð, innbyggð uppþvottavél og stál Gorenje háfur. Rými fyrir tvöfaldan kæliskáp. Aukin lofthæð og innfelld lýsing í loftum. Flísar á milli skápa og gluggi til norðurs.

Neðri hæð: Gengi niður steyptan parketlagðan stiga. Einnig sérinngangur inn á neðri hæð.
Forstofa II: Með flísum á gólfi, djúpum rúmgóðum geymsluskáp og fatahengi.
Gangur: Með parketi á gólfi og góðu geymslurými undir stiga.
Sjónvarpsstofa: Með parketi á gólfi og glugga til norðurs.
Svefnherbergi II: Er rúmgott, með parketi á gólfi og gluggum til suðurs og austurs.
Svefnherbergi III: Með parketi á gólfi og glugga til suðurs.
Svefnherbergi IV (Hjónaherbergi): Er stórt með parketi á gólfi, skápum og glugga til suðurs.
Baðherbergi: Með flísum á gólfi og veggjum. Baðkar með sturtutækjum og óbeinni lýsingu. Flísalögð sturta með innbyggðum blöndunartækjum og glerhurð. Upphengt salerni og handklæðaofn. Falleg innrétting við vask með steini á borði og útgengi að heitum potti á verönd.
Herbergi (svefnherbergi V): Með parketi á gólfi og gluggi. Þvottaaðstaða inn af herbergi með tenglum fyrir þvottavél og þurrkara. Þvottasnúra og vinnuborð. Útloftun. 

Bílskúr: Er stór, eða 48,1 fermetrar að stærð. Rafmagnsopnun á bílskúrshurð (nýleg). Bílskúrshurð er 359 cm á breidd og 240 cm á hæð. Lofthæð í bílskúr er 272 cm. Nýleg rafmagnstafla í bílskúr og gólfhiti. Gluggar til suðrus. Inngangshurð sunnanmegin á bílskúr við verönd þar sem heitur pottur stendur. Stórt bílaplan fyrirframan bílskúr með snjóbræðslu. Snjóbræðsla í bílaplani og útitröppum. Þriggja fasa rafmagn í bílskúr og rafhleðslustöð.

Staðsetning eignarinnar er afar góð á eftirsóknaverðum stað við Langholtsveg í Laugardalnum þaðan sem stutt er í skóla á öllum skólastigum, Íþróttasvæði Þróttar og Ármanns, Laugardalslaug, verslun og þjónustu og alla afþreyingu sem Laugardalurinn hefur upp á að bjóða. Stutt er í helstu stofnæðar frá hverfinu.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is