Sætún Svæði A

Atvinnueign kynnir til sölu mjög góðan fjárfestingarkost í útjaðri Reykjavíkur. 

Um er að ræða atvinnuhúsnæði á 9.091,5 fm eignarlóð með umfangsmiklum byggingarheimildum á Kjalarnesi í Reykjavík. Spennandi fjárfestingartækifæri á vel staðsettri atvinnulóð við Vesturlandsveg. Aðkoma að lóðinni er góð og staðsetningin býður upp á mikið sýnileika- og auglýsingagildi.

Á lóðinni stendur atvinnuhúsnæði sem er samkvæmt upplýsingum seljanda um 630 fm, en fasteignin er skráð 778 fm hjá HMS. Í húsnæðinu eru þrír rúmgóðir salir eru í því. Eldhús og salernisaðstaða eru í hluta húsnæðisins og lítil stúdíóíbúð með sérinngangi er í byggingunni. Stór innkeyrsluhurð er á gafli hússins, sem gerir aðkomu húsbíla mjög þægilega. Lofthæð upp í mæni er um 4,5 metrar. Húsnæðið hefur verið mikið endurnýjað og er öll aðstaða til fyrirmyndar. Gott útisvæði er til staðar. 

Samkvæmt gildandi deiliskipulagi, sem samþykkt var og stimplað í lok janúar 2025, eru verulegir ónýttir byggingarmöguleikar á lóðinni. Heimilt er að byggja um 5.400 fm til viðbótar ofanjarðar, með byggingar allt að 12 metra háar. Jafnframt er heimild fyrir allt að 4.000 fm kjallara með góðri lofthæð. Heildarbyggingarmagn á lóðinni getur því orðið um 10.000 fm, þar af um 6.000 fm ofanjarðar, að meðtöldu núverandi húsnæði, auk allt að 4.000 fm kjallara.

Lóðin er tilbúin til framkvæmda og býður upp á fjölbreytta möguleika varðandi áfangaskiptingu og uppbyggingu. Hægt er að hefja framkvæmdir strax eða ráðast í uppbyggingu síðar eftir þörfum kaupanda.

Um er að ræða eignarlóð í dreifbýli Reykjavíkur og samkvæmt fyrirliggjandi upplýsingum þarf hvorki að greiða byggingarréttargjöld né gatnagerðargjöld vegna uppbyggingarinnar.

Staðsetningin við Vesturlandsveg, umfangsmiklar byggingarheimildir og fyrirhuguð Sundabraut gera eignina sérstaklega áhugaverða fyrir fyrirtæki, framkvæmdaraðila og fjárfesta sem horfa til framtíðaruppbyggingar á höfuðborgarsvæðinu.

Allar nánari upplýsingar veitir: 
Ólafur Ingi Guðmundsson, löggiltur fasteignasali og leigumiðlari, í síma 847-7700 - olafur@atvinnueign.is

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Atvinnueign því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.
3. Lántökugjald lánastofnunar - almennt 1,0% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði. 

                   - Atvinnueignir eru okkar fag -