Lyngheiði 20

Lyngheiði 20, Selfossi í einkasölu.

Um er að ræða vandað, reisulegt og vel staðsett 166,4 fm. einbýlishús á tveimur hæðum ásamt 55,9 fm. frístandandi bílskúr. Húsið stendur í gróinni og skjólsælli götu.  Húsið er byggt úr steinsteypu árið 1959 en bílskúrinn úr sama efni ári 1958.  Íbúðarhúsið er múrað og málað að utan en bárujárn er á þaki.  Gluggar eru upphaflegir en líta vel út.  Að innan er húsið nánast í upphaflegu standi, svo sem innréttingar.  Raflagnir og vatnslagnir eru upphaflegar. Sami eigandi frá upphafi og viðhaldi vel sinnt.

Jarðhæð: Á jarðhæðinni er forstofa, hol, stofa, borðstofa, eldhús,lítil snyrting og þvottahús. Stigi upp á efri hæð liggur úr forstofu. Steinsteypt verönd sem hægt er að ganga út á úr stofu.

Rishæð: Á rishæðinni eru þrjú svefnherbergi, baðherbergi, eldhús og hol. Háloft er yfir risinu.  Eldhúsinu væru auðveldlega hægt að breyta í herbergi.

Bílskúr:  Bílskúrinn er með tréflekahurð og hann er upphitaður með affalli af húsinu.  Skúrinn er með stórum gluggum og því bjartur.

Lóðin er vel gróin, skjólsæl og býður upp á mikla möguleika.