Skipholt 58

Við kynnum bjarta, vel skipulagða og mikið endurnýjaða efri sérhæð í góðu tvíbýlishúsi, auk stúdíóíbúðar í bílskúr.

Lýsing eignar:

Forstofa: Á 1. hæð, flísalögð og með fatahengi. Gengið er um fallegan, bjartan og breiðan flísalagðan stiga upp á efri hæð. (Stigahús er ekki inni í fermetratölu eignarinnar).
Stigapallur: Flísalagður og rennihurð þaðan í hol.
Hol: Flísalagt og með fataherbergi innaf með mjög rúmgóðum fataskápum.
Eldhús og borðstofa: Opið og bjart rými, flísalagt eldhús með vönduðum gráum Alno innréttingum, granít á borðum og nýjum eldhústækjum. Rýmið tengist beint borðstofu og skapar góða heild.
Stofa: Ný teppalögð og björt með útgengi á rúmgóðar og skjólsælar suðursvalir. Ný stór rennihurð á svalir og sterkt AW Sedna Varuna teppi á gólfum úr endurunnum fiskinetum frá versluninni Parket og gólf.
Herbergi: Innaf stofu, flísalagt. Nýtt sem sjónvarpsherbergi í dag.
Svefngangur: Parketlagður og breiður.
Þvottaherbergi: Með glugga, flísalagt í gólf og með góðum innréttingum, þvottavél í vinnuhæð. Mikið og gott geymslu pláss í skúffum á skápum.
Baðherbergi: Með glugga, rúmgott og nýlega endurnýjað. Innréttingar, vegghengt wc og ný walk-in sturta með glerþili. Gólf flotað og lakkað.
Barnaherbergi I: Parketlagt og rúmgott með ALNO fataskápum með rennihurðum.
Barnaherbergi II: Parketlagt og rúmgott með fataskápum án hurða.
Hjónaherbergi: Rúmgott, parketlagt og með rúmgóðum ALNO fataskápum með rennihurðum.

Stúdíóíbúð í bílskúr:

Í bílskúrnum er fullbúið íbúðarrými með rafmagni, hita, vatni og góðri lofthæð. Eldhúskrókur. Baðherbergi með góðri sturtu. Gluggar í tvær áttir tryggja birtu. Rýmið hentar vel sem stúdíóíbúð, heimaskrifstofa eða mögulegt útleigurými og eykur nýtingu eignarinnar verulega.

Húsið að utan:

Ytra byrði hússins er í góðu ástandi. Nýlega gert upp, steypt og málað.  Nýlegar þakrennur og niðurfallsrör og þak í góðu ásigkomulagi. 

Lóðin:

Stór, fullfrágengin og ræktuð með tyrfðri baklóð og gróðri. Upphituð innkeyrsla með hleðslustöð. Tröppur upp að húsi nýlega múraðar.

Staðsetning:

Eignin er miðsvæðis í rólegu hverfi. Stutt er í skóla, verslanir og alla helstu þjónustu. Auk þess er íbúðin í göngufæri við Laugardalinn, Klambratún og Kringluna. Í hverfinu sjálfu er mikil uppbygging sem gerir svæðið sífellt eftirsóknarverðara.

Samkvæmt Fasteignaskrá Íslands er efri sérhæðin skráð 140,5 fm auk stigahúss sem er í séreign og 17,4 fm, samtals um 158,0 fm, auk stúdíóíbúðar í bílskúr, skráðrar 30,7 fm.