Laufskálabyggð 11

Laufskálabyggð 11, Flúðum – einstakt bjálkahús með útsýnisturni á stórri eignarlóð
Lögmannsstofa Ólafs Björnssonar kynnir til sölu Laufskálabyggð 11, 846 Flúðum, fastanúmer 231-6128. Um er að ræða fallegt bjálkahús á tveimur hæðum, skráð 166,9 fm samkvæmt HMS, ásamt rúmgóðri eignarlóð sem er tæpur hálfur hektari að stærð.
Húsið stendur á fallegum stað og er umkringt stórum sólpalli með heitum potti sem skapar góða aðstöðu til útivistar og samveru. Á pallinum er jafnframt sérstakur útsýnisturn sem setur mikinn svip á eignina. Á efri hæð turnsins er notaleg koníaksstofa með aðgengi frá efri hæð hússins um litla göngubrú, en á neðri hæð turnsins er geymslurými með aðgengi frá palli.
Aðalrými hússins á neðri hæð eru björt og opin með mikilli lofthæð að hluta. Þar sameinast stofa, borðstofa og eldhús. Miðsvæðis í rýminu er arinn sem skapar hlýlega stemningu og setur mikinn svip á húsið. Eldhúsið er með fallegri timburinnréttingu, eyju og góðu skápaplássi.
Á neðri hæð er einnig rúmgott hjónaherbergi, baðherbergi með sturtu, forstofa með fataskápum og geymsla.
Á efri hæð tekur við opið fjölskyldurými með mikilli lofthæð til mænis og stórum gluggum með fallegu útsýni, útgengi á stórar svalir og yfir í útsýnisturn á palli. Uppi eru tvö svefnherbergi, þar af eitt mjög rúmgott með svefnplássi fyrir stærri fjölskyldu eða gestahóp, auk rúmgóðs baðherbergis með tengjum fyrir þvottavél og þurrkara.
Þetta er afar áhugaverð eign fyrir þá sem leita að sumarhúsi eða frístundaeign með miklum karakter, góðri aðstöðu fyrir fjölskyldu og gesti og einstökum sérkennum sem sjaldan sjást á markaði.

Eignin er komin á tíma hvað varðar viðhald. Timbur á pöllum er víða farið að láta á sjá og nauðsynlegt er að bera á timburverk. Gler í hurð geymslu á neðri hæð turns er brotið og þarfnast endurnýjunar. Kaupendur eru hvattir til að kynna sér ástand eignarinnar vel við skoðun.

Nánari upplýsingar veitir Kristófer Ari Te Maiharoa Lögfræðingur og löggiltur fasteignasali, í síma 6956134, tölvupóstur kristo@olafur.is.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Lögmannsstofa Ólafs Björnssonar bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila, (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 3.800 af hverju skjali.
3. Lántökugjald lánastofnunar - almennt kr. 50.000 - 75.000. Sjá nánar á heimsíðum lánastofnanna.
4. Umsýsluþóknun til fasteignasölu kr. 55.000 + vsk.
5. Ef um nýbyggingu er að ræða þá greiðir kaupandi skipulagsgjald þegar það verður lagt á. Skipulagsgjaldið er 0.3% af endanlegu brunabótamati.