Kjarrhólmi 22

Betri Stofan fasteignasala og Þórir Skarphéðinsson lögmaður og lgfs, sími 844-9591 - thorir@betristofan.is, kynna Kjarrhólma 22, Kópavogi:

Björt, falleg og mikið endurnýjuð 4ra herbergja útsýnisíbúð á annarri hæð (merkt 202) í Kjarrhólma 22. Eignin skiptist í 3 svefnherbergi, baðherbergi, stofu, eldhús, þvottahús og geymslu í kjallara. Íbúðarrými er skráð 89,4 fm af HMS en til viðbótar er 9,3 fm sérgeymsla íbúðar í kjallara. Heildarstærð er því 98,7 fermetrar. Stutt í helstu þjónustu m.a. skóla, nokkra leikskóla auk þess sem eignin stendur við Fossvoginn og því stutt í útivistarsvæði bæði þar og í Elliðaárdal.  Mikil veðursæld er á þessu svæði og er eignin staðsett í botnlanga þannig að óviðkomandi umferð er nánast engin, nóg af bílastæðum. Húsið var hannað af Kjartani Sveinssyni.

Nánari lýsing: 
Gengið inn í anddyri íbúðar um snyrtilega, teppalagða sameign. 
Stofa íbúðar er rúmgóð og björt, með stórum gluggum til norðurs þar sem njóta má fallegs útsýnis yfir Fossvogsdalinn og Esjuna.
Endurnýjað harðparket á allri íbúð, utan baðherbergis og þvottahúss. 
Mjög snyrtilegt eldhús með góðu skápaplássi og stórum búrskáp. Ofn endurnýjaður 2022.
Svefnherbergi íbúðar eru þrjú; hjónaherbergi og tvö barnaherbergi.
Hjónaherbergi er með góðum fataskápum, parketi á gólfi og útgengi á stórar og skjólgóðar svalir til suðurs. Annað barnaherbergjanna er með glugga til suðurs og fataskáp en þriðja svefnherbergið er á milli stofu og eldhúss og er með glugga til norðurs. 
Baðherbergi íbúðar er endurnýjað, flísalagt og er með innréttingu og baðkari með sturtuhaus. Innan íbúðar er þvottahús í sérrými.
Í kjallara er hjólageymsla, þurrkherbergi og sérgeymsla íbúðar með glugga.
Á bak við hús er stór sameiginlegur garður með leiktækjum. 

* Umfangsmiklar framkvæmdir hafa verið á heildarhúsinu:
Á undanförnum árum hafa öll þök í lengjunni verið lagfærð, yfirfarin og/eða endurnýjuð, gluggaskipti á suður- og norðurhlið eftir þörfum, múrviðgerðir á öllu húsinu og málun sem gert er ráð fyrir að ljúki í ágúst 2026. Árið 2023 voru allar svalir hússins slípaðar og sett á þær epoxy. Seljendur greiða áætlaðan kostnað íbúðar vegna yfirstandandi framkvæmda.

Um er að ræða góða og vel skipulagða eign á eftirsóttum og rólegum stað við útivistarparadísina Fossvogsdalinn. Einnig er stutt í alla helstu þjónustu, verslanir, leik- og grunnskóla.

Nánari upplýsingar veitir Þórir Skarphéðinsson lögmaður og löggiltur fasteignasali, í síma 8449591, tölvupóstur thorir@betristofan.is.