Blöndubakki 20

*NÝTT Á SÖLUSKRÁ*
*MIKIÐ ENDURNÝJAÐ OG VIÐGERT HÚS*
*HERBERGI/GEYMSLA Í KJALLARA ER Í ÚTLEIGU*
*NÝTT HARÐPARKET OG ÍBÚÐIN ÖLL NÝMÁLUÐ*
*FJÖLSKYLDUVÆNT HVERFI*
 
Lögheimili eignamiðlun kynnir 110,5 fm., 3ja-4ra herbergja, eign í vel við höldnu fjölbýlishúsi.  Íbúðin, sem er á 1. hæð, er með tveimur svefnherbergjum, en einnig er mögulegt að nýta rúmgóða geymslu í kjallara sem herbergi.  Þriðja herbergið/geymla, í kjallara, er í útleigu, með salernisaðstöðu og sturtu í eigu sameignar.  Birt stærð eignar er samtals 110,5 fm., þar af er geymsla/herbergi 15,9 fm. og  geymsla 5,8 fm., skv. fasteignayfirliti.  Húsið hefur fengið gott viðhald undanfarin ár.  Sameiginleg lóð er með leiktækjum.  Góð staðsetning þar sem örstutt er í leikskóla, skóla, verslanir og Mjóddina með verslun og þjónustu.

Eignin skiptist í:  Hol, eldhús, stofu, svefnherbergisgang, 2 herbergi,  baðherbergi og þvottarými.  Tvær sérgeymslur eru í kjallara.

Nánari upplýsingar veitir: Eggert Ólafsson, löggiltur fasteignasali, í síma 893 1819, eggert@logheimili.is

Nánari lýsing:  Komið er inn í bjart hol með fataskáp.  Í eldhúsi er hvít innrétting, flísar milli efri og neðri skápa, borðkrókur og opið inn í hol.  Stofa er með afstúkuðu rými, útgengt á svalir og opin inn í hol.  Í baðherbergi er hvít innrétting, sturtuklefi, handklæðaofn, upphengt salerni og flísar í hólf og gólf.  Þvottarými er inn af baðherbergi og opið á milli.  Hjónaherbergi er með fataherbergi inn af.  Herbergi er inn af svefnherbergisgangi.  Nýtt harðparket er á gólfum, nema á holi, eldhúsi, baðherbergi og þvottarými þar sem eru flísar.  Tvær sérgeymslur eru í kjallara, önnur nýtt sem herbergi og er í útleigu.  Sameiginleg hjóla- og vagnageymsla, er í kjallara.

Annað:  Samkvæmt fasteignayfirliti er birt stærð íbúðar 88,8 fm., geymslur í kjallara 15,9 fm. og 5,8 fm., eða samtals 110,5 fm.  Mögulegt er fyrir kaupanda að yfirtaka leigusamning um herbergi í kjallara. Að meðtöldu herberginu í kjallara eru herbergin samtals þrjú.  Eignin er skráð 3ja herbergja hjá Fasteignaskrá HMS.  Seljandi hefur ekki búið sjálfur í eigninni.
 
Húsið hefur fengið gott viðhald undanfarin ár og skv. upplýsingum seljanda hefur eftirfarandi verið endurnýjað eða viðgert:
Árið 2017 suðurhlið klædd og skipt um glugga. Austurhlið bollaslípuð og filtuð og skipt um alla glugga og málað, austurendi málaður.
Árið 2019 vesturhlið viðgerð, skipt um glugga eftir mati. Norðurhlið viðgerð og máluð og skipt um glugga í stigagöngum.
Árið 2021 skipt um neysluvatnskrana í öllum stigagöngum (heitt og kalt vatn).
Árið 2022 skipt um járn á þaki.
Árið 2024 klóaklagnir fóðraðar og skipt um, eftir þörfum.

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Lögheimili eignamiðlun því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4 til 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.
3. Lántökugjald lánastofnunar skv. gjaldskrá.  Nánari   upplýsingar á t.d. heimasíðu lánastofnana.
4. Umsýslugjald til fasteignasölu, sbr. kauptilboð.