Brekkubyggð 14

RE/MAX og Guðrún Lilja löggiltur fasteignasali kynna í einkasölu: Einstaklega vel staðsett sumarhúsalóð með fallegu útsýni í Brekkubyggð 14, 320 Borgarbyggð. 

Lóðin er leigulóð um 4631,0 m² að stærð undir frístundahús með stórbrotnu útsýni í landi Bjarnastaða í Hvítársíðu, aðeins 5-10 mín. akstur frá Húsafelli.   Lóðinni fylgir tilbúnar teikningar en einnig er hægt að kaupa húsið fullbúið eftir samkomulagi. Aðaluppdrættir teikninga eru samþykktir ef engra breytinga er óskað. Heimilt er að óska eftir breytingu á deiliskipulagi, byggingarreitur stækkar um 10m. í vestur og 10m. í austur.

HÆGT ER AÐ SKOÐA SVÆÐIÐ Í ÞRÍVÍÐU UMHVERFI MEÐ ÞVÍ AÐ SMELLA HÉR

Svæðið er skipulagt sem frístundabyggð. Lóðin er leigð til 25 ára í senn með forleigurétti áfram að þeim tíma loknum. Búið er að greiða tengikostnað vegna hitaveitu.  Vatn og rafmagn við lóðarmörk, leigusalar sjá um að vegir séu akfærir að lóðarmörkum, bílastæði skulu vera innan lóðarmarka og sér leigutaki um að útfæra þau. Landeigandi leggur vegi og vatnsveitu að lóðamörkum. Vatnsból er nærri Hrauná.  Hitaveita er á svæðinu og er sérstakt félag um rekstur hennar. Gámastöð fyrir sorp er á svæðinu.

Lóðaleiga á ári er kr. 138.930,- með uppreiknaðri byggingavísitölu frá maí 2021, endurskoðað á 5 ára fresti.  Samkvæmt deiliskipulagi eiga litir húsa að falla að umhverfi, þök í dökkum jarðalitum og timbur tónað í viðarlitum.

Helstu ákvæði til byggingar skv. skipulagi
Hámarksstærð húsa miðast við 265 fm í heildarbyggingarmagn.  Hæsti punktur þaks verði ekki hærri en 5,5 m yfir aðalgólfi.  Þakhalli 15-25 gráður.  Sefna mænisása skal samræmd.  Dökkir jarðlitir æskilegir á öllum mannvirkjum.  Mannvirki séu ekki nær lóðarmörkum en 10 metra.

UPPLÝSINGAR UM SKIPULAGSSKILMÁLA FRÍSTUNDABYGGÐAR Í LANDI BJARNASTAÐA MÁ KYNNA SÉR MEÐ ÞVÍ AÐ SMELLA HÉR

Nánari upplýsingar gefur Guðrún Lilja Tryggvadóttir, löggiltur fasteignasali í síma 867-1231, gudrunlilja@remax.is

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.