Bæjarlind 14-16

HELGAFELL FASTEIGNASALA kynnir til sölu atvinnuhúsnæði við Bæjarlind 14-16 í Kópavogi.

Um er að ræða 230,2 fm. vel staðsett og snyrtilegt atvinnuhúsnæði sem í dag er innréttað og nýtt sem veitingastaðurinn NONNABITI.
Athygli er vakin á því að verið er að selja húsnæðið sjálft en ekki rekstrarfélag eða starfsemi.

Húsnæðið hefur nýlega verið tekið í gegn að innan og er einstaklega vel tækjum búið með glæsilegu fullbúnu eldhúsi, kælum, frysti, nýlegri loftræstingu og rúmgóðum fallega innréttuðum borðsal.
Einnig er góð geymsla við hlið eldhússins ásamt skrifstofuaðstöðu inn af eldhúsi.
Snyrtileg salernisaðstaða.

Húsnæðið býður upp á fjölbreytta nýtingarmöguleika og hentar vel undir veitingarekstur eða aðra sambærilega starfsemi.
Möguleiki er að skipta eigninni upp í tvær aðskildar rekstrareiningar þar sem um er að ræða tvö sambyggð bil á tveimur fastanúmerum með sér inngangi hvort fyrir sig.
Í dag er annar inngangurinn nýttur að framan.  Að auki eru tveir inngangar inn í bæði bilin úr sameign.

Eignin er staðsett á góðum og sýnilegum stað í hjarta Kópavogs með góðu aðgengi og sameiginlegum bílastæðum bæði fyrir framan húsið og aftan.

Nánari upplýsingar:
Helgafell fasteignasala Sími: 566 0000
Rúnar Þór Árnason, lgf., runar@helgafellfasteignasala.is