Grandavegur 45

Fasteignasalan TORG kynnir: Björt, falleg og rúmgóð tveggja herbergja íbúð á annari hæð í góðu lyftuhúsi við Grandaveg 45, 107 Reykjavík. Eignin er skráð 73,5 fm og skiptist í svefnherbergi, baðherbergi, eldhús, þvottaherbergi og stofu/borðstofu með útgengi út á svalir til norð- vesturs með fallegu útsýni út á sjó og til fjalla. Til viðbótar við skráða fermetra er sérgeymsla á jarðhæð ásamt sameiginlegri hjóla og vagnageymslu. Allar nánari upplýsingar veitir Darri Örn Hilmarsson, löggiltur fasteignasali í síma: 767-0000 eða darri@fstorg.is

Nánari lýsing eignar:
Gott aðgengi er að húsinu og gengið er inn um sjálfvirkar rennihurðar. Anddyri hússins og sameign eru einstaklega snyrtileg.
Forstofa: Komið er inn á forstofugang með ljósu viðarparketi á gólfi og tvöföldum fataskáp.
Hjónaherbergi: Hjónaherbergið er rúmgott með mjög stórum og góðum nýlegum fataskápum með rennihurðum. Ljóst viðarparket er á gólfi.
Baðherbergi: Baðherbergið er töluvert endurnýjað. Dökk gráar náttúrusteinflísar eru á gólfi og upp á framhlið baðkars. Hvítar fallegar flísar eru á veggjum. Baðkar er með glerhurð og sturtuaðstöðu. Stór vaskur er ofan á fallegri innréttingu úr hvíttuðum eikarspón. Einnig er skápur á vegg fyrir ofan salerni.
Eldhús: Eldhúsið er rúmgott með innréttingu á tvo veggi  með efri og neðri skápum. Skáparnir er hvít sprautaðir með viðar köntum. Góður borðkrókur er við glugga. Ljóst viðarparket er á gólfi.
Þvottaherbergi: Inn af eldhúsinu er þvottaherbergi með opnanlegum glugga, hillum á veggjum og máluðu gólfi.
Stofa: Stofan er mjög rúmgóð með ljósu viðarparketi á gólfi. Vel rúmast í stofunni bæði setustofa og borðstofa. Útgengi er á stórar útsýnissvalir frá stofunni. Glæsilegt útsýni er frá stofunni og svölum yfir á sjóinn, Akranes og Akrafjall.
Geymsla: í sameign er sérgeymsla með glugga sem er ekki inn í skráðum fermetrum.
Hjóla- og vagnageymsla er í sameign.
 
Allar nánari upplýsingar veitir Darri Örn Hilmarsson, löggiltur fasteignasali í síma: 767-0000 eða darri@fstorg.is