Garðatorg 4b

Trausti Fasteignasala og Þorbjörn Geir Ólafsson löggiltur fasteignasali kynna í einkasölu :
Stórglæsileg og afar vel skipulögð 3ja herbergja LÚXUS íbúð á þriðju hæð í snyrtilegu fjölbýlishúsi á einum eftirsóttasta stað í miðbæ Garðabæjar.

Íbúðin er einstaklega björt og rúmgóð með opnu og samfelldu alrými þar sem eldhús, borðstofa og stofa mynda notalega heild. Innan eignar eru tvö góð og björt svefnherbergi, tvö baðherbergi og  vel skipulagt þvottaherbergi.

Frá íbúðinni eru tvennar svalir sem bjóða upp á ólíka upplifun. Aðrar snúa að Garðatorgi þar sem verslun, þjónusta og mannlíf setja svip sinn á umhverfið, en hinar snúa í rólegra umhverfi með fallegu útsýni í átt til sjávar.

Samkvæmt fasteignaskrá HMS er birt flatarmál eignarinnar 116,0 fm, þar af er íbúðin 107,2 fm og sérgeymsla í kjallara 8,8 fm. Svalir eru annars vegar 8,7 fm og hins vegar 5,8 fm. Eigninni fylgir jafnframt sérmerkt stæði í bílageymslu. 

Á Garðatorgi er fjölbreytt þjónustuframboð í göngufæri, þar á meðal verslanir, veitingastaðir, kaffihús, bókasafn, snyrti- og hárgreiðslustofur auk annarrar þjónustu sem gerir staðsetninguna einstaklega þægilega og eftirsóknarverða. Hér er sjón sannarlega sögu ríkari.

Nánari upplýsingar veitir Þorbjörn Geir Ólafsson Löggiltur fasteignasali, í síma 895-5198, tölvupóstur bjossi@trausti.is.