Strandvegur 16

Fasteignasalan TORG kynnir: Glæsileg, mikið endurnýjuð, björt og vönduð 124,2 fermetra 3ja herbergja íbúð á 3. hæð (efstu) með verulega aukinni lofthæð, stórum gluggum, fallegu útsýni, m.a sjávarútsýni yfir Perluna, Gróttu og fjallasýn. Suðvestur svalir eru á íbúðinni auk sér bílastæðis í lokaðri og upphitaðri bílageymslu í kjallara hússins. Árið 2022 var eignin mjög mikið endurnýjuð af fagmönnum m.a skipt um eldhús og eldhústæki, öll gólfefni (nema baðherbergi), innréttingu í þvottahúsi og fataherbergi ásamt fataskápum í forstofu og innihurðum. Led lýsing var sett í staðinn fyrir halogen lýsingu. Einnig var innra skipulagi breytt, eldhús, fataherbergi og þvottahús voru stækkuð og íbúðin sérlega opin, rúmgóð og vel skipulögð. Þetta er virkilega falleg eign á eftirsóttum stað í Sjálandinu í Garðabæ. Allar nánari upplýsingar veitir Hafdís Rafnsdóttir löggiltur fasteignasali gsm 820-2222 eða hafdis@fstorg.is
Lýsing eignar: Forstofa: Komið er inn í opið rými með mjög rúmgóðum fataskáp og harðparketi á gólfi.
Eldhús: Eldhús eignarinnar er glæsilegt, mjög rúmgott og endurnýjað 2022. Falleg innrétting frá Axis, mikið skápapláss, tvöfaldur mjög góður tækjaskápur, stór eyja sem hægt er að sitja við, Corian borðplötur og flísalagt er á milli efri og neðri skápa. Ofninn er í vinnuhæð og einnig er örbylgjuofn fyrir ofan sem fylgir með. Gólfsíður Ísskápur, uppþvottavél og frystir eru innbyggð og stækkað spanhelluborð er á eyjunni ásamt stækkuðum vaski í innréttingunni. Innfelld lýsing í eldhúsi er hönnuð af Lýsingu og hönnun.
Stofa: Stofa eignarinnar er björt og rúmgóð með gólfsíðum gluggum og fallegu útsýni. Lofthæð í stofu er allt að 4,5 metrar og innfelld ledlýsing er í loftum ásamt óbeinni lýsingu sem gefur sjarmerandi stemmingu í stofuna.
Borðstofa: Borðstofan er með harðparketi á gólfi og er við útbyggðan glugga til suðvesturs. Úr borðstofu er útgengi á flísalagðar svalir til suðvesturs sem skarta sjávarútsýni yfir á Gróttuvitann. Falleg óbein lýsing.
Barnaherbergi: Barnaherbergið er með harðparketi á gólfi og tvöföldum fataskáp.
Hjónaherbergi: Hjónaherbergið er mjög rúmgott með harðparketi á gólfi og innbyggðum rúmgafl með óbeinni lýsingu. Innangengt er í fataherbergi með góðum innréttingum. Frá fataherberginu er einnig innangengt inn í þvottaherbergi eignarinnar.
Fataherbergi: Fataherbergi er rúmgott og var stækkað árið 2022. Falleg lýsing hönnuð af Lýsingu og hönnun og innréttingar í fataherberginu eru frá Axis og auðvelt að breyta uppsetningu ef vill. Stór rennihurð með spegli stúkar af þvottaherbergi og fataherbergi.
Þvottaherbergi: þvottaherbergið er mjög rúmgott og var endurnýjað 2022. Innrétting er með miklu skápaplássi, stórum vaski og vinnuborði. Gólf er flísalagt með stórum flísum. 
Baðherbergi: Baðherbergið er með flísalögðu gólfi og veggjum, innrétting með góðu skápaplássi, hornbaðkar með sturtuaðstöðu, nýlega endurnýjað vegghengt wc og einnig handklæðaofn. 
Í kjallara hússins er: Sér bílastæði í lokaðri og upphitaðri bílageymslu, merkt 12 og er vel staðsett við innganginn. Sér geymsla, sem er 9,7 fermetrar að stærð. Sameiginleg hjóla- og vagnageymsla er við inngang í bílakjallarann og með útgengi á lóð. Húsið að utan er klætt með áli og því viðhaldslítið. Lóðin er fullfrágengin með góðri aðkomu og nægum bílastæðum. Á baklóð hússins er leikvöllur fyrir börn og tyrfðar flatir. Staðsetning eignarinnar er virkilega góð á eftirsóttum stað í Sjálandshverfinu í Garðabænum.
Allar nánari upplýsingar veitir Hafdís Rafnsdóttir löggiltur fasteignasali gsm 820-2222 eða hafdis@fstorg.is