Sunnuhlíð 12

Fasteignasalan Hvammur 466 1600

Einstakt sumarhús/heilsárshús á útsýnislóð í Sunnuhlíð ofan Grenivíkur í Höfðahverfi - samtals 124,3 m² að stærð.

* Gólfhiti
* Rúmgóð verönd með heitum potti og gufubaði.
* Gestahús
* Hitaveita
* Eintakt útsýni

Húsið skiptist þannig að stofa og eldhús eru í einu alrými, svefnherbergin eru þrjú, baðherbergi, bílskúr með geymslulofti yfir að hluta og salerni, stórt geymsluloft yfir svefnherbergjum og aðstöðuhús/gestahús á palli auk gufubaðshúss.
Húsið er allt flísalagt með samskonar flísum og gólfhiti er í öllu. 

Forstofan er rúmgóð, með flísum á gólfi og viðarpilum á veggjum.
Stofa og eldhús eru í einu opnu alrými hvar loftin eru tekin upp og lofthæðin er mikil.  Eldhúsinnréttingin er dökklökkuð og góðir gluggar eru rýminu og útsýnið einstakt.
Svefnherbergin eru þrjú og í einu þeirra eru góðir fataskápar.
Baðherbergið er rúmgott, og þar er stórir skápar og baðinnrétting úr spónlagðri eik, sturta, handklæðaofn og útgangur á pall hvar farið er í heitan pott og gufu.  Veggir eru flísalagðir sem og loft.
Bílskúrinn er með þvottahúsinnréttingu innst, góðum fataskápum og salerni.  Yfir skúrnum að hluta er opið geymsluloft og þaðan er jafnframt farið inn á geymsluloft eftir endilöngu húsinu, yfir svefnherbergjunum.

Stór sólpallur er við þrjár hliðar hússins og þar er bæði heitur pottur og gufubað.  Geymsluskúr er á pallinum, tæpir 15 m² og í honum er rafmagn en ekki vatn.  Auðvelt er að nota húsið sem gestahús.
Ágætt bílastæði fyrir framan bílskúr.  
Lóðin er leigulóð í eigu Grýtubakkahrepps, 5.273 m² að stærð.
Húsið er tengt við hitaveitu.

Hér er um að ræða einstakt sumarhús á fallegri lóð sem stendur hátt og með miklu útsýni út yfir Eyjafjörðinn.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.