Höfðabyggð E24

Höfðabyggð lóð E24 í Lundskógi - Glæsilegt 4ra herbergja heilsárshús á 11.465 m² lóð í Lundskógi í Fnjóskadal.
Húsið er steypt, byggt árið 2010 og er skráð 100,6 m² að stærð.

Eignin skiptist í forstofu, gang, eldhús, stofu, sjónvarpshorn, þrjú svefnherbergi, baðherbergi og geymslu.

Forstofa og gangur eru með flísum á gólfi og innfelldri halogen lýsingu. Góður skápur er í forstofunni.
Eldhús er með flísum á gólfi og vandaðri spónlagðri innréttingu og eyju, bæði með graníti á bekkjum. Siemens ofn, helluborð, örbylgjuofn og uppþvottavél
Stofa og eldhús eru í opnu rými þar sem flísar eru á gólfi og loft tekin upp og með innfelldri halogen lýsingu. Stór horngluggi og tvöföld hurð til suðurs út á verönd. Rafdrifin gluggatjöld eru fyrir gluggum í stofu.
Sjónvarpshorn er til hliðar við eldhús. 
Svefnherbergin eru þrjú, öll með flísum á gólfi, fataskápum og innfelldri halogen lýsingu. Úr hjónaherberginu er útgengt út á verönd.
Baðherbergi er flísalagt bæði gólf og veggir, spónlögð innrétting með stæði fyrir þvottavél og þurrkara og granít bekkplötu. Upphengt wc, handklæðaofn og góð sturta með innmúruðum tækjum. Útgengt er af baðherbergi út á verönd. 
Geymsla er á suðurhlið hússins og er utangengt í hana. Þar eru flísar á gólfi.

Húsið stendur á 11.465 m² leigulóð í efstu línu orlofsbyggðarinnar. 
Bílaplan er malbikað en hellur eru með norðurhliðinni við forstofuinngang.  Fyrir neðan húsið hefur verið útbúin grasflöt.

Annað
- Eignin er nýmáluð að innan
- Hiti er í öllum gólfum.
- Allar innréttingar, innihurðar og fataskápar er sérsmíða úr Tekk 
- Rafdrifin gluggatjöld eru fyrir gluggum í stofu og hjónaherbergi.
- Vönduð verönd úr harðviði er með suður og vesturhlið hússins. Gert er ráð fyrir eldstæði á veröndinni
- Heitu pottur er á verönd 
- Innfelld lýsing er í þakskyggni
- Leyfi er fyrir 13,5 m² viðbyggingu og 49 m² bílskúr
- Lóðarleiga á ári er um kr. 125.000.-