Þverásbyggð 28

Berglind Hólm lgfs. og RE/MAX kynna: Lítið krúttlegt sumarhús á 18.000 m2 (tæpir 2 hektarar) lóð með miklum möguleikum til stækkunar. 

Um er að ræða 48.4 fermetra sumarhús byggt 1980 ásamt 14 fermetra baðhúsi sem stendur á  18.000 fermetra leigulóð. Húsið er úr timbri og klætt timburklæðningu að utan. Húsið er kynt með rafmagni.
Stóra-Fjall er gamalgróið sumarhúsahverfi skammt norður af Borgarnesi.
Sumarhúsið skiptist í forstofu, baðherbergi, setustofu með rými fyrir eldhúsborði og 2 svefnherbergi.  Annað herbergið er opið en rennihurð er fyrir hinu. Sólstofa er áföst húsinu en þarfnast viðhalds/endurnýjunar.
Sólpallur er við húsið á 2 pöllum og er nýtt timbur á dekki á neðri hluta verandarinnar og mun seljandi klára að endurnýja timbrið á efra dekki þegar veður leyfir. 
Veggir eru klæddir masonite plötum, parket er á gólfum, einangrun og vatnslagnir hafa verið endurnýjaðar. Þakkantur er komin að viðhaldi og hluti tréverks farinn að láta á sjá.
Á lóðinni er  timburhús sem er 14 fermetrar, merkt Þverásbyggð 28a, sem byggt var sem baðhús árið 1996 en er nýtt sem gestahús. Ekki er búið að leggja rafmag að baðhúsinu en auðvelt er að ná í það.
Töluverðir möguleikar eru á að byggja við húsið og bæta við öðrum húsum á lóðinni vegna stærðar hennar. 

Keyrt er þjóðveg 1 í gegnum Borgarnes og þaðan keyrt í noður í um það bil 18 mínutur, þar er beygt út af þjóðveginum til vinstri. Keyrt er í um það bil 4 mínutur inn í landið þar til komið er að bústaðnum sem stendur á kjarrivöxtnu og gróðursælu landi. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is