Miðengi 0

Pétur Ásgeirsson löggiltur fasteignasali hjá RE/MAX fasteignasölu kynnir: Glæsilegan sumarbústað Vörðufell í landi Miðengis við Vaðlækjarveg í Grímsnesi.

Húsið stendur á 3630 fm eignarlandi, á lokuðu svæði við Vaðlækjarveg (6 braut) og er húsið bæði rafmagnskynnt og einnig er til staðar olíufíring til kyndingar. Húsið samanstendur af forstofu, tveimur svefnherbergjum, baðherbergi, góðu alrými og svefnlofti. Einnig eru góðir sólpallar ásamt geymsluskúr og bílastæðum. Birt stærð séreignar eru 40,1 fm skv. fasteignaskrá, rétt stærð er í kringum 50 fm og til viðbótar er umræddur geymsluskúr og svefnloft ekki inni í skráðum fermetrum. Bústaðurinn var endurbyggður 1993.

Það sem hefur verið gert á síðustu 2 árum:
Skipt um gólfið og sett tengi fyrir þvottavél.
Skipt um klósett
Skipt um klósettvask
Skipt um eldhúsinnréttingu
Sett upp smartlýsingu í herbergjum, eldúsi og stofu
Skipt um stormjárn á gluggum
Hitaþráður settur á vatnsrör úti
Bílaplan stækkað og rauðamöl bætt í
Bústaður málaður að innan og utan
Pallur málaður og lagaður að hluta
Rafmangsútitengli bætt við
Nýjar gardínur í alla glugga
Gamlir skápar teknir og aðrir settir inn

Það sem var gert fyrir um 5-7 árum:
Skipt um glugga
Skipt um þak

Nánari lýsing:
Komið er inn í afstúkaða forstofu, tvö rúmgóð svefnherbergi eru til staðar ásamt ágætis baðherbergi með sturtu og alrými bjart með gluggum á þrjá vegu. Eldhúsið er með innréttingu á einum vegg, vaskur, neðri skápar og pláss fyrir ísskáp ásamt efri skápum. Lítill ofn og spanhelluborð er á staðnum en tengi er fyrir stærri eldavél er einnig til staðar. Í rýminu er olíufíring sem hægt er að nota til kyndingar umfram rafmagnsofna. Góður stigi er upp á eftir hæð þar sem svefnloft er til staðar ásamt geymslum. Byggður hefur verið einangraður geymsluskúr og sólpallur er allan hringinn um húsið. Húsið stendur á skjólsælum stað á mjög gróinni eignarlóð. Bílastæði er fyrir 4-5 bíla er á lóðinni ásamt gömlum kartöflugörðum, fánastöng og fleira.

Hitakútur er á baði fyrir heitt vatn en hitaveita er við lóðarmörk og hægt er að tengja í húsið.

Húsið hefur fengið ýmsar endurbætur frá því að það var byggt upphaflega en hluti af pöllum á bak við hús eru orðnir skakkir ásamt því að eitt horn hússins hefur aðeins lyft sér. Rotþró er upphafleg en virkar fínt skv. eigendum og er tæmd regluleg af sveitarfélaginu.

Nánari upplýsingar gefur Pétur Ásgeirsson  löggiltur fasteignasali í síma 893-6513 / petur@remax.is
Vegna mikillar eftirspurnar vantar mig allar tegundir eigna á skrá. Hafðu samband og ég mun verðmeta eign þína þér að kostnaðarlausu.

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 
4. Umsýslugjald til fasteignasölu kr. 69.900 mvsk.