Kleifakór 1, tvær íbúðir

Gullfallegt 272,6 fm. parhús með tveimur aðskildum íbúðum. Einstök staðsetning og glæsilegt útsýni. Á efri hæð er 3ja herbergja íbúð með sér inngangi. Á neðri hæð er 4ra herbergja íbúð með sérinngangi (lokað er á milli hæða). Gólfhiti á báðum hæðum.  Góður bílskúr með geymslulofti. Við húsið eru tvær mjög góðar upphitaðar geymslur (skráðir gámar á lóð) og mjög falleg lóð skipulögð á glæsilegan máta hönnuð af landslagsarkitekt.  Samkvæmt skráningu HMS er birt stærð eignarinnar 272,6 fm þ.a er íbúð á neðri hæð 124,6 fm. Íbúð á efri hæð er skráð 94,7 fm, bílskúr er skráður 23,4 fm, geymslur á lóð eru skráðar 29,9 fm. 

Nánari lýsing efri hæðar: Guðrún Atladóttir innanhússarkitekt hannaði glæsilega 3ja herbergja sérhæð sem skiptist í forstofu, gang, tvö svefnherbergi, stofu, eldhús, baðherbergi, þvottaherbergi og bílskúr. Komið er á flísalagða forstofu, góðir skápar. Af forstofu er parketlagt svefnherbergi með skápum. Frá forstofu er gengið í hol. Glæsilegt eldhús með stórri eldaeyju opið við bjarta stofu og borðstofu, uppþvottavél, nýlegur bakarofn, parket á gólfum. Rúmgóð stofa með mikilli lofthæð og innfelldri lýsingu og útgengi á svalir. Parketlagt svefnherbergi með góðum 6x fataskápum, útgengt á svalir. Fyrir ofan svefnherbergi er geymsluloft. Baðherbergið er flísalagt, innrétting við handlaug og sturta, góð aðstaða fyrir þvottavél og þurrkara. Sérsmíðaðar innréttingar, steinn á öllum borðflötum og gluggakistum, hvíttað parket á gólfum.  Frábært útsýni.

Nánari lýsing neðri hæðar: Falleg 4ra herbergja sérhæð sem skiptist í forstofu, gang, þrjú svefnherbergi, stofu, eldhús og geymslu undir stiga. Komið er á flísalagða forstofu, þar er gott skápapláss og haganlega komið fyrir Þvottavél og þurrkara. Frá forstofu er komið á hol sem er opið að eldhúsi með fallegri hvítri innréttingu og borðstofu.  Innbyggður ísskápur og uppþvottavél. Frá holi er einnig gengið inn í stofu og þrjú mjög rúmgóð herbergi. Úr stofunni og einu herbergjanna er útgengt í garðinn. Parket á gólfum. Neðri hæðin hefur verið mikið endurnýjuð á sl. árum.

Bílskúrinn er snyrtilega innréttaður með geymslulofti. Lóðin er skemmtilega útfærð á vandaðan máta. Lagnir fyrir heitan pott eru í garði.  Útbúin hefur verið stór tvöföld geymsla (inngrafnir gámar) sem falla inn í landslagið. Flísalagðir frontar, hiti, rafmagn og gönguhurðir. Á þaki geymslunnar er mjög góður afgirtur pallur sem tengist stóru steyptu bílaplani með 6 bílastæðum og snjóbræðslu (lokað kerfi).

Falleg eign, með mikla nýtingarmöguleika á einstökum stað.

Allar nánari upplýsingar veitir Björn Þorri Viktorsson hrl. og lgf. í síma 894-7070 eða bjorn@midborg.is