A-gata 8

Trausti fasteignasala og Hallgrímur Hólmsteinsson lgfs kynna ákaflega fallegt heilsárs sumarhús ásamt einu minna gestahúsi á stórri lóð í Grímsnesinu, nánar tiltekið við A-götu 8, einungis 40 mínútur frá Reykjavík. Aðalhúsið er skráð 88,1 fm í Þjóðskrá Íslands en núverandi eigendur byggðu við húsið og er það nú um 98-100 fm. Gestahúsið er skráð 12,1 fm í Þjóðskrá Íslands. Lóðin er eignarlóð og er skráð 6.521 fm og vel gróin háum trjám og lággróðri. Svæðið er lokað með fjarstýrðu bómuhliði. Heitur pottur er við aðalhúsið og stór pallur sem umlykur það. Til viðbótar er lítill geymsluskúr og lítið hús fyrir börn að leika. Húsið er á steyptum grunni. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða á hallgrimur@trausti.is

Nánari lýsing eignar:
Gengið er inn í rúmgott anddyri með flísum á gólfi.
Eitt rúmgott herbergi er til vinstri í anddyrinu. 
Komið er inn í parketlagt stórt hol þar sem hjónaherbergi og baðherbergi er á vinstri hönd og stofa, eldhús, búr og önnur herbergi eru á hægri hönd. 
Húsið er á tveim pöllum og er gengið úr holinu upp tvær tröppur upp á pall þar sem stofa, borðstofa og eldhús eru í stóru og björtu opnu rými. Parket er á gólfinu. 
Hjónaherbergi er stórt og rúmgott með góðum skápum og parketi á gólfi.
Baðherbergið er með sturtuklefa og parketi á gólfi.
Herbergi II er með dúk á gólfi og kojum, neðri koja er ein og hálf breidd. 
Herbergi III er með dúk á gólfi og er rúmgott og bjart. 
Eldhúsið, stofa og borðstofa eru í opnu og björtu alrými með mikið pláss. 
Eldhúsið er með hvítri viðarinnréttingu sem núverandi eigendur settu upp í kringum 2008 og lýtur mjög vel út. Uppþvottavél undir ofni og innbyggður ísskápur og frystir.  
Stofan/borðstofa er björt og rúmgóð og parket á gólfi. Í stofunni er stór og fallegur arinn, klæddur grjóti úr Drápuhlíðarnámu sem er friðuð í dag. 
Búr/geymsla er í litlu rými á milli herbergja I og II. 
Gengið er út úr holinu út á stóran pall með heitum potti. 
Gestahúsið er skrá 12,1 fm í Þjóðskrá Íslands. Það er í dag notað sem vinnuaðstaða hjá núverandi eiganda en má hæglega nota sem gestahús.
Við hlið þess er köld geymsla og þar við hliðina er lítð hús sem ætlað er börnum að leika sér í. 
Viðarpallur umlykur allt húsið og er með heitum potti og litlum úti arin. Skorsteinninn er klæddur með grjóti úr Drápuhlíðarnámum. Lóðin er vel gróin háum trjám.
Félag húseigeinda á svæðinu sér um að halda vegum opnum yfir vetrartímann og er hægt að vera allt árið á staðnum. 

Núverandi eigendur byggðu við húsið á árunum 2008 og 2009 og tóku það allt í gegn, settu nýtt eldhús og ný gólfefni ofl. Veggir eru klæddir með norskum panil, náttúruleg viðarborð sem setja fallegan svip á húsið. Nokkrir veggir eru klæddir með Drápuhlíðargrjóti.

Hér er eign á ferðinni á frábærum stað í Grímsnesinu, einungis um 10 mínútur frá Selfossi og 40 mínútur frá Reykjavík. Stuttur vegur liggur af Þingvallavegi og inn á svæðið um loka ðbómuhlið sem opnað er með síma. Þrastalundur er í tveggja mínútna fjarlægð og mikið um fallega staði og þjónustu í nágrenninu. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða á hallgrimur@trausti.is